今個除夕去邊度好？香港地睇煙花荀位逐格睇 尖沙嘴有新地標喇～

無論你喜不喜歡睇煙花，只要係去戶外倒數活動嘅你，都逃唔過睇煙花嘅命運～大家都知每逢除夕週街都係人，如果想霸個無咩人嘅靚位倒數睇煙花，得...無雷公咁遠，得個豆潤咁細見到少少火花咁囉～小編精選咗幾個位置過大家，係咪最正、最少人就唔咁講喇，不過好過黎黎去去都係嗰兩個地方喇～

1.港島嘅朋友-中西區海濱長廊

Photo from 香港政府

為你一站式服務嘅有中西區海濱長廊，其實嗰邊一帶好多位置可以睇到煙花嘅，雖然可能人比較多。不過好在一站式，可以先去IFC行食飯，再去隔離嘅AIA嘉年華贏番幾隻公仔，差不多夠鐘就可以去海濱長廊、碼頭或者天橋一齊倒數喇～

2.港島嘅朋友-添馬公園

Photo from 康文署

綠草如恩嘅有一片大草地嘅添馬公園～如果情況許可嘅話，攤係草地度睇煙花幾正啊！講緊係如果，係如果情況許可的話！仲要嘅事要重複100次！

3.港島嘅朋友-金紫荊廣場

Photo from Pinterest

嫌呢兩個地方唔夠震撼，要極級VIP位嘅，可以去金紫荊廣場㗎～相信大家都知道放煙花嘅躉船係停泊喺灣仔對出嘅海面㗎喇，如果想要極近極4D啲嘅效果，可以黎呢度嘅，睇到又聽到又聞到，仲可能feel到震添～

4.港島嘅朋友-山頂

Photo from Pinterest

通常睇煙花都係向上望，有無諗過可以向下望呢？太平山山頂盧吉道俾你一覽無遺睇曬成個維港，仲有港島同九龍嘅高樓大戲燈飾，作一個前後對比，唔同層次嘅背景，簡直係夜晚嘅仙境啊～而且特別嘅係仲望到煙花發射嘅一刻添！不過相信一定喪多人，多謝～

5.九龍嘅朋友-紅磡海濱長廊

Photo from 土木工程拓展署

想喺海傍浪漫睇煙花，但又唔想去完又去人多嘅尖沙嘴海傍，今年不妨試下去紅磡海濱公園喇，地方算幾大，望到維港景色。

6.九龍嘅朋友-海港城海運觀點

Photo from 海運觀點官網

新蒲點，今年10月先正式開放嘅海運觀點新大廈，三面環海，俾大家270度觀賞維港嘅景色。而且仲有一大片人造草地添！又多一個新角度睇煙花喇！

Photo from 海運觀點官網

7.九龍嘅朋友-啟德公眾碼頭

Photo from 啟德郵輪碼頭官網

知道好多情侶都好鍾意去碼頭度拍拖、傾計同散心㗎喇～加埋煙花俾你係咪仲浪漫呢？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載