原名《平安谷·逐個捉》～TVB再一次拍懸疑片：講述捍衛女權嘅民初劇

岩岩8點半播完誇世代，聽日就會播新劇《平安谷之詭谷傳說》，套劇擺左差唔多一年終於出街啦，但播左幾晚預告片，好似回音都唔太好，我地一齊睇睇依套劇又岩唔岩你口味。

Photo from TVB
《平安谷之詭谷傳說》前身叫做《平安谷·逐個捉》，聽日劇名已經似恐怖片，不過原來係一部講述一班女性一直受男性霸權制壓，佢地最終目標以捍衛女權為己任嘅一套民初懸疑劇集。
Photo from TVB

雖然意義深遠，但有網民批評有點似上年劇集《蘭花劫》嘅戲路，已經表明覺得好悶唔想睇，更表示會熄電視添！
Photo from TVB

會唔會收視慘淡收場小編就不得而知，不竟仲未播放，但不過睇下岩唔岩自己口味，小編就可以幫到你啦！
Photo from TVB

叫平安谷嘅意思，就因為係劇中有一個地方叫平安谷，入面係一個男人當道嘅地方，當然三妻四妾係平常事，女人地位十分卑微。
Photo from TVB

故事就發生係二十年代嘅民初時期，雖然當時民風已逐漸開放，但由於平安谷位處偏僻村落，所以依度依然奉行唔少古舊嘅封閉思想。
Photo from TVB

蘇玉華係劇中飾演二當家，表面係掌管家中大小事務，但其實佢身世非常可憐，又要成日討好佢丈夫劉江。
Photo from TVB
Photo from TVB

劇集中佢帶頭抗爭男尊女卑，係平安谷內組成「少婦聯盟」，加上係外國留學返黎嘅黃浩然同係外國長大嘅陳凱琳輾轉間返到依個村莊之後，都為村民帶來唔少思想上嘅衝擊，召集谷內多位女性一齊抗爭，希望打倒男性霸權。
Photo from TVB

係一次山賊強行入村事件後，一眾女人更加背負起保衛家園嘅責任，絕對係巾幗不讓鬚眉。
Photo from TVB

不過其實唔只女權嘅話題，其實劇中仲會有唔少意外死人事件，而黃浩然嘅角色就係去追查依D兇案。
Photo from TVB

或者女權劇集未必被大部份觀眾接受，但TVB今次加入懸疑元素，可能都有望挽回一D收視嘅。

Text: Holiday editorial

Photo Sources：TVB

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載