流感高峰殺到！！日本各地流感大爆發！邊到係重災區？點樣預防好？

近排天氣咁凍，大家都好怕會冷親～再加上流感高峰期，大家都要小心身體呀！特別去日本嘅朋友要小心，因為日本近排流感大爆發，到到都加強左預防措施，學生哥都戴哂口罩、消哂毒先番得學~

日本厚生勞動省公佈全國患者有283萬人，係有史以嚟紀錄最高嘅一次！而且預計數目會繼續增加，所以全國各地都發出警告。

Photo from 日本厚生勞動省

好受香港人歡迎嘅大阪1月頭3個星期已經有44.17個人確診流感，關西一帶嘅確診數字係平均40人以上，嚴重超出一個星期30人嘅警報水平！

Photo from TripAdvisor

除左大阪，九州都係重災區！確診個案比大阪高一倍，沖繩縣有64.70人、熊本縣有66.26人、鹿兒島縣更有86.53人，可以話情況嚴峻！

Photo from TripAdvisor

今次日本嘅流感爆發好罕有，因為A型流感病毒同B型流感病毒同時肆虐。A型流感較易以藥物控制，B型流感較嚴重，對藥物反應較慢，治療時間相對長。

啲病菌咁嚴重，大家要跟足衛生防護中心嘅指示，用正確嘅方法勤洗手、戴口罩，或者接種疫苗去預防。出外旅遊最好帶定酒精消毒潔手液同口罩，以備不時之需，同盡量避免去多人嘅地方。

可以多食抗氧化嘅食物，增強抵抗力，例如：士多啤梨、燕麥。補充維他命A同胡蘿蔔素都好重要嫁！食多啲紅蘿蔔或者蕃薯就可以增強皮膚抵抗力喇~ 飲多啲茶都有幫助抗菌嫁！

如果真係出現發燒、咳嗽同喉嚨痛等病徵，就要及早求醫喇！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載