4位90後自創業~客人可自由配搭西港合壁創意料理!由西九龍中心美食廣場到觀塘熟食市場!

4位90後自創業~客人可自由配搭西港合壁創意料理!由西九龍中心美食廣場到觀塘熟食市場!

Hong Kong 香港食玩 · HKfood 香港美食 · 為食香港 · 為食香港
By Presslogic on 13 Feb 2018

黎到觀塘區,有好多林林總總嘅西餐廳,但如果你要係咁多廳餐入面去搵一間平得黎又好食又特別嘅話,不妨試下去觀塘駿業熟食市場!唔好以為只係街市同大牌檔咁簡單,其實仲有好多唔同種類嘅餐廳值得你去架!

Presslogic
Photo from Presslogic

今次介紹嘅西餐廳係由四位90後年青人一齊創業,佢地之前係深水埗西九龍中心,一個充滿競爭嘅美食廣場中營業,但食物同飲品依然都係平民價錢,心得客人喜愛。可惜嘅係
美食廣場嘅結構, 好難同到客人交流,所以佢地係上年10月31日轉戰觀塘駿業熟食市場,終於由小舖位變成小餐廳。

佢地餐廳最大特色係比好大自由度客人,客人可以自由選擇主食、醬汁同配料,仲有好多種唔同小食。他們亦取鑒於港式車仔麵風格,打破傳統,將平時西餐廳嘅固定套餐分拆,任由客人自由配搭,拼湊出最合自己心意嘅組合。

Presslogic
Photo from Presslogic

例如蒜片茄汁蝦仁意粉熱狗,意粉同熱狗兩者明顯夾唔到,但合埋一齊,竟然有意想唔到嘅驚喜! 熱狗鬆軟,意粉韌度恰到好處,入口更加有香濃蕃茄味,鮮蝦亦都鮮甜爽口。

Presslogic
Photo from Presslogic

小編亦都係自選3部曲入面揀左芝士汁溫泉蛋牛柳粒意大利面,都只係$48,再加左$10升級左特飲同沙律,而小編就要左一杯手調蝶豆花特飲同一份香橙鴨胸沙律加蜂蜜柚子汁!芝士汁加溫泉蛋本來就係邪惡嘅配搭,再加上大大杯蝶豆花特飲就更正,但重點係仲要大份沙律,全部加埋都係$58,就係抵到冇朋友呀!

Presslogic
Photo from Presslogic

佢地嘅手調蝶豆花特飲最出名,一系列有四款,仲要款款都色彩漸變,超級夢幻!分別有最終幻想(荔枝)、紅色警戒(士多啤梨)、日落日出(水蜜桃)同埋水清沙幼(菠蘿)。

Presslogic
Photo from Presslogic

另外,佢地仲為大家特設左個糧尾精選,分別有欖油蒜片雞柳扁意粉同埋欖油蒜片龍利柳扁意粉,重點係仲要奉送伯爵茶或茉莉綠茶乙杯!真係糧尾都可以食好野呀!

KLN Cafe
地址: 觀塘駿業街67號駿業熟食市場1樓46號舖
營業時間:星期一至日:12:00-22:00(年三十至初七休息,初八啟市)

Text: Holiday editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編~謝謝~)

*本文章的圖片均經其本人或其公司授權,其他媒體不得轉載


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook