雖然話禁止攜帶外賣包裝食品上車，但咖啡又得？睇清楚條文，其實都唔係咁一刀切～

上個月首爾市公佈新條文，乘客乘坐首爾室內巴士，一律禁止攜帶外賣包裝食品上車，如果唔係巴士司機有權禁止乘客上車。條文一出都引發好多討論，究竟點先算係唔帶得上車嘅食品，定係所有外賣嘅都唔帶得？

Photo from pinterest

其實呢項措施係為咗保持車廂整潔，同時因為好多人會飲熱飲，禁止帶呢D搭車，都係唔想喺搖晃嘅車廂中發生倒瀉落其他人身上嘅情況，不過市民嘅反應普遍覺得太嚴苛，官方再次就條文詳細解釋，其實都唔係話唔帶得，只係即棄式包裝唔得姐。

如果唔係喺車上使用，兼且有完整密封包裝嘅食物同埋食材，係可以上車嘅。

Photo from buyking

如果裝喺拋棄式外帶杯嘅飲料或冰塊、炸雞、辣炒年糕等食物，又或者無蓋活著插住飲筒嘅鋁罐、膠樽等等就禁止攜帶，簡單D黎講就係唔可以喺車廂進食。

Photo from Pintereset

Photo from pinterest

相反，用紙盒pack好嘅炸雞、pizza等等嘅食物，或者喺有蓋膠樽嘅飲品、未開封嘅鋁罐、密封式保溫杯內嘅食品飲料全部都豁免，所以只要包好等落車先食，司機都唔會話你，基本上依照以上準則，搭車就唔會遇到被拒載嘅問題，大家鍾意飲咖啡，自己帶杯咪得囉～～

Photo from NeNeChicken

Photo from Buyking

清晰列表版：

Photo from I Seoul U

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載