皆大歡喜最遺憾劇情！金年與王儀感情線無疾而終～觀眾失落！

深夜重播嘅皆大歡喜時裝版一直深受歡迎，
可惜同古裝版比起上黎，劇情就無咁皆大歡喜喇！
當年電視台為開源節流，抽走左唔少主線人物，搞到好似硬係爭少少咁！

深夜重播節目「皆大歡喜時裝版」都重播左一段時間，劇情終於黎到大轉彎！
林文龍同廖碧兒分別飾演「金年」同「王儀」，係古裝版係一對，本來時裝版佢地應該都係有感情發展嘅。

可惜佢地嘅感情線非常峰迴路轉，由互相暗戀，到誤會王儀係老闆情婦，再誤會金年係同性戀！
本來觀眾都期待佢地可以有圓滿結局！
係第182集，佢地終於互相表白，一齊左一分鐘之後，居然又殺出「失憶」橋段，令王儀忘記左自己男朋友係邊個。

之後仲突然出現另一角色Sam假扮係王儀男朋友，令到佢地復合無望！
小編真係睇到眼火爆，點解唔可以好地地一齊姐？

當劇情黎到呢度，岩岩好撞正林文龍同郭可盈結婚，因為婚假嘅關係令到林文龍嘅劇情需要暫停100集！
而導致戲入面係一對嘅廖碧兒都被逼暫時退出本劇，本來劇組打算等佢地歸對之後再有發展！

可惜之後電視台為左慳錢，決定抽走人工較高嘅演員！
所以佢地最後都冇歸隊，呢條感情線就無疾而終喇。

小編真係覺得好可惜呀，因為係古裝版入面都幾襯！
黎緊鍾嘉欣同馬浚偉都會加入劇情，大家可以繼續當新劇睇喇～

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載