新手一個人去旅行都唔驚!7大獨遊注意事項  做足呢幾樣  屋企人都唔會咁擔心

新手一個人去旅行都唔驚!7大獨遊注意事項 做足呢幾樣 屋企人都唔會咁擔心

Hong Kong 香港食玩 · Tips 旅遊學堂 · World 世界旅遊
By Presslogic on 09 May 2018

出咗嚟做嘢就會發現夾人去旅行,係一件幾困難嘅事(延伸閱讀:推介5個適合第1次獨遊城市,但當同屋企人講自己去旅行,佢地又會唔多想咁,話幾危險咁。獨遊做足以下幾項,自己一個去旅行都唔驚,父母都會放心好多!

shutterstock
Photo from shutterstock

shutterstock
Photo from shutterstock


1.做足功課
雖然一個人旅行係好free,但都最好做足功課,例如點樣由機場出市區、點樣搭車去到住宿地方,因為得一個人出現狀況以外嘅事(例如可能突然上唔到網等),所以去前查定晒啲嘢就萬無一失!唔怕到時手足無措~

shutterstock
Photo from shutterstock

2.盡量揀治安好啲嘅國家
有啲聽聞治安無咁好嘅國家就唔好自己一個去,例如印度、巴西、墨西哥等。如果好想去嘅話,都係等有旅伴先再去,如果突然有意外,都係有個伴做照應比較好,而且當打算一個人去呢類地方,屋企人都一定會好擔心~始終都係安全至上!

shutterstock
Photo from shutterstock

3.購買上網卡/電話卡
有啲人去旅行唔鍾意買上網卡或電話卡,因為想旅行遠離一下網絡世界,但當一個人旅行,點都有得上網或打電話會比較好,有咩事都可以即刻報警或尋求幫助,同埋一盪失路都睇到自己係邊先!

記低報警電話、領事館電話、重要聯絡人電話~

shutterstock
Photo from shutterstock

4.每日打畀屋企人報平安
一個人出走始終會令屋企人有少少擔心,驚你去外地一出事點算,如果你唔點聯絡,佢地又會亂諗嘢,以為你有咩事。為咗令佢地安心,最好都係每日同佢地講一陣電話,報個平安或同佢地分享下旅程趣事都好啊!

shutterstock
Photo from shutterstock

5.唔好太夜返去住宿地方
始終旅行嘅地方唔係自己一直居住嘅地方,要注意下安全比較好,盡可能唔好太夜返到住宿嘅地方,因為深夜會相對比較危險同難以預測發生咩事,又得自己一個,有咩事起嚟都唔好啦~

shutterstock
Photo from shutterstock

6.如獨遊日本﹐去前安裝地震預報app
日本近年比較多地震,而香港本來係個唔會點地震嘅地區,所以對於地震嘅應對方式同反應,都會好陌生同不知所措,所以下載定地震預報app,起碼係震前幾秒知咩事,萬一真係地震都仲有少量時間逃生先。

PressLogic
Photo from PressLogic

7.旅遊時每日抽少量時間留意當地新聞
去旅行都要睇下新聞,因為有時會有咩突發嘅事發生,都會有少少心理準備~

shutterstock
Photo from shutterstock

shutterstock
Photo from shutterstock

做足準備,屋企人都會安心啲,自己一個都萬無一失啦~

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)
*本文章的圖片均經其本人或其公司授權,其他媒體不得轉載


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook