Pink Tea真係可遇不可求！全粉紅色下午茶四層鳥籠架，超級靚啊！連啲茶點都係粉紅色嫁～

呢間酒店一直都以佢地四層下午茶鳥籠架好出名，最近佢地更重新設計左個下午茶，推出最新呢個全粉紅色嘅下午茶四層架！睇見都少女心都爆發啊～～～

Photo from Presslogic

鳥籠架仲用左粉色系嘅花花圍住，賞心又悅目！而且茶點全部都係粉紅色嫁～～～質素都非常高質！

鹹點一共有四款三文魚薄餅伴三文魚籽、龍蝦沙律紅菜頭三文治、脆嫩蘿蔔仔酥盒、飛魚籽醬配香烤法包。
個人好鍾意三文魚薄餅伴三文魚籽，三文魚油脂食落好甘香，食落非常惹味～而飛魚籽醬配香烤法包亦好好味，下面嘅法包烤至脆身、配上軟滑濃郁嘅粉紅飛魚籽醬，唔止望落去好靚，仲鮮味十足好好味！
Photo from Presslogic

而甜點就有五款，包括玫瑰紅桑子法式馬卡龍泡芙、大黃士多啤梨慕絲蛋糕、紅西柚撻、玫瑰荔枝香檳啫喱、粉紅棉花糖。
Photo from Presslogic

Photo from Presslogic

Photo from Presslogic

當然唔少得下午茶必食嘅英式鬆餅啦～呢度一共有兩款：士多啤梨紅莓鬆餅同原味鬆餅！
可以搽上嘅醬都比平時嘅多，一共有四款：包括二款果醬、雲呢拿醬、忌廉。
鬆餅焗得外層香脆，但略嫌內層唔夠濕軟同牛油香。
Photo from Presslogic

最後仲會奉上鮮果拼盤同朱古力銀樹。

下午茶仲會包咖啡或茶！加$200就可以升級飲到法國凱歌皇牌香檳兩杯～

如果想飲到玫瑰香檳同三款佐酒茶點，只要比$798/2位就除左下午茶四層鳥籠架，額外試到呢個粉紅香檳體驗喇。
包括：法國凱歌粉紅香檳兩杯 - 呢一杯係慶賀200年歷史、係Veuve Clicquot係全球首度出產嘅玫瑰香檳。
Photo from Presslogic

三款佐酒茶點有：黃鰭吞拿魚他他奶油包伴意大利芝士及粉紅胡椒桃肉、山羊芝士墨西哥烤餅配黑莓蜜餞及糖漬橙皮、西瓜玫瑰特飮配白巧克力法式酥餅

限量每日供應30份，想同朋友一齊過個粉紅色嘅下午就記得要提前做網上預訂喇！
Photo from Presslogic

「鳥。語」下午茶套餐 - 粉紅別注版
價錢：$498/兩位用
地址：九龍香格里拉大酒店大堂酒廊
供應時間：星期一至五（公眾假期除外） 14：00～17：00
預訂方式：https://www.shangri-la.com/tc/hongkong/kowloonshangrila/dining/bars-lounges/lobby-lounge/book-a-table

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）