恒管升格做「恒大」 行會通過恒生管理學院正名為大學

恒管升格做「恒大」 行會通過恒生管理學院正名為大學

Life 本地生活 · HotTalk 熱門話題
By PressLogic on 30 Oct 2018

行政會議今日通過自資大專院校恒生管理學院正名為大學,成為繼樹仁大學之後,香港第2間私立大學。

恒生管理學院官網
Photo from 恒生管理學院官網

恒生管理學院官網
Photo from 恒生管理學院官網

恒管校長何順文今年初曾經透露,2017年12月已向學術及職業資歷評審局遞交自我評審報告,預計今年底前可以交俾行政長官以及行會考慮同決定恒管能否升格做大學。

恒生管理學院官網
Photo from 恒生管理學院官網

恒生管理學院1980年創校,前身係恒生商學書院(簡稱恒商),當時係預科課程學院。

恒生管理學院官網
Photo from 恒生管理學院官網

新高中學制實行後,恒商喺2010年獲政府批准改組成專上學院,改名為恒生管理學院,現時有傳播學院、決策科學學院、商學院、人文社會科學學院同翻譯學院5個學院,全校有大約5000個全日制學生同200個全職教師,提供17個學士學位課程。

恒管升格後將改名為「香港恒生大學」,英文名為「 The Hang Seng University of Hong Kong」。教育局局長祝賀恒生管理學院,佢認為私立大學嘅發展令香港高等教育體系更加多元化,令學生受惠。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook