【長命百二歲2】呢個世界有個無敵嘅理由：唔關我事，係timing問題！

第三集嘅《長命百二歲2》就去到鐘錶王國--瑞士。呢一集除咗鐵腳才子方東昇之外，拍檔們都齊齊搞爛gag!

Photo from 《長命百二歲2》

Photo from 《長命百二歲2》

佢哋參觀製錶工場時，拍檔黃曉瑩話：「呢個世界有個無敵嘅理由，唔係你問題，唔係我問題，係timing 問題！」方東昇就嚟個神回應：「就算Timing 唔啱，埋換過隻錶佢囉！」各位！以後有人同你哋講：「對唔住，你好好～但我哋之間timing 錯咗」嘅時候，大家識得點回應佢啦！

Photo from 《長命百二歲2》

方東昇又繼續大玩食字：「標準，標準。錶最緊要準！」食字得嚟，又完美連繫都主題「錶」，佢嘅才華真係無人能及！

唔好睇方東昇係個學霸，只係識「刨書」，佢對流行曲一樣熟悉。佢講到：「人可以冇機心，但錶唔可以。」帶出機芯對錶嘅重要性，唔係任何人都可以做機芯，佢就話：「所以唔好相信流行曲歌詞：誰造機芯一樣了。」，用上《陀飛輪》歌詞。佢表示亦唔好搵佢造錶：「如果搵我造錶，隻錶分分鐘郁都唔郁，到時真係『時間片刻變陳舊，分秒亦停留』。」，今次就係《陪著你走》，大家以後知道送錶畀情人嘅用意啦，就係想「陪著你走」！

Photo from 《長命百二歲2》

Photo from 《長命百二歲2》

Photo from 《長命百二歲2》

另外由於瑞士係鐘錶王國，好注重時間觀念，方東昇都表示：「我哋去瑞士採訪都怕遲到，不斷『追趕生命裏一分一秒』！」呢一次就加入張國榮經典歌《追》。方東昇用歌詞用得咁叻，平時係咪成日用歌詞做Facebook/IG/Whatsapp嘅 Status呢？

Photo from 《長命百二歲2》

拍檔們都話千奇唔好搵佢哋做機芯，唔係就會「心」事重重，要做換「心」手術」。

身為才子，就點少得表演佢超強嘅中文能力？「時間似咩？似水流年！」唔單止活用成語，更係完美表演食字功力！不過佢嘅拍檔都唔輸蝕：「時間似咩？光陰似箭！」黃曉瑩就認為：「時間似咩？似廁紙，用一截，少一截！」聽落搞笑，但又完美代表到時間嘅特性！

Photo from 《長命百二歲2》

佢去到瑞士老人院，遇到一個整火車模型嘅老人家，佢就話：「火車捐山窿，全由佢操控！」押晒韻咁，點夠佢玩啊？

Photo from 《長命百二歲2》

Photo from 《長命百二歲2》

佢見到老人院嘅婆婆自己用刀刨薯仔，不禁大吃一驚：「婆婆你唔洗刨得咁狠喎，你依家刨緊我，我都係『Small Potato』～」當然，瑞士婆婆更係唔識聽啦，就繼續刨自己嘅薯仔，方東昇就繼續搞自己嘅爛gag~場面尷尬，但好好笑！

Photo from 《長命百二歲2》

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）