退休夫婦做背包客6年遊70個國家同地區 60歲高齡以小二程度英語環遊世界

好多香港人都好中意去旅行，不過去旅行唔係年青人嘅專利，內地一對夫婦退休之後決定環遊世界。

佢哋唔跟團，選擇做背包客遊歷全球70個國家同地區，仲出埋書添！

呢對夫婦分別係71歲嘅張廣柱同68歲嘅王鍾津，佢哋喺2008年開始環遊世界，3年內去過40個國家。

Photo from 花甲背包客微博

佢哋雖然年紀唔輕，但去旅行唔跟旅行團，而選擇孭住65升嘅背囊做背包客。

Photo from 花甲背包客微博

Photo from 花甲背包客微博

佢哋話有一次去雲南虎跳峽旅行時遇到一位外國旅客，呢位外國遊客一句中文都唔識，但都自己一個嚟到咁偏遠嘅地方旅行，於是張廣柱覺得佢同太太都同樣可以去外國旅遊。

不過佢哋嘅英語只有小學二年級程度，去旅行之前決定分工合作，張廣柱負責學英語，王鍾津就認識當地嘅地理同歷史，做足功課先去旅行。

Photo from 花甲背包客微博

2008年佢哋去咗歐洲嘅意大利、希臘、西班牙、葡萄牙、德國、法國、荷蘭、比利時等16個國；2009年去咗尼泊爾、古巴、墨西哥、美國、加拿大旅遊；2010至2011年去到俄羅斯、阿根廷、巴西、秘魯等南美國家以及紐西蘭、澳洲等14個國家旅行。

Photo from 花甲背包客微博

佢哋去咗咁多個國家，有感大家感情變得更好，雖然結婚多年，但喺旅程中重拾當年戀愛嘅感覺。

資料來源：花甲背包客

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）