夏日煙火祭開鑼!!!全日本5大非去不可花火大會，夜空發放巨型祈願花火，快d睇定去邊一個啦～～

日本夏天有不少祭典活動，全國都會普天同慶，一齊慶祝!!!啱啱舉行完畢嘅沖繩琉球海炎祭，正正代表日本花火大會要開始啦～～～全國有咁多個煙花大會，去邊一個最好玩呢？介紹5個必去嘅花火大會俾你慢慢揀啦～～

1.全國花火競技大會「大曲煙火」（秋田縣）

Photo from omagari-hanabi

被稱為是日本最權威嘅花火表演大會，亦係日本歷史悠久嘅競技花火比賽之一。花火表演內容非常精彩，而且發放煙花嘅數目亦係日本首屈一指，璀璨奪目嘅煙花點綴漆黑夜空～

2.隅田川煙火大會   （東京）

Photo from Instagram

Photo from Instagram

隅田川煙火大會係東京三大花火大會之一，大家可以喺東京市內觀賞煙花。花火大會最大特色係有東京晴空塔嘅襯托，耀目嘅花火加上晴空塔發出嘅燈光，影張相先～欣賞煙花當然係遠觀，仲可以係鬧市中睇呀！

3.長岡祭大花火大會   （新潟縣）

Photo from Instagram

Photo from Instagram

如果要數到全日本No.1嘅花火大會，就一定係長岡祭花火大會，無論任何一個介紹都會有佢嘅出現，絕對係花火大會王者。最具代表性就係「正三尺玉」煙火球，一個巨型直徑30cm長嘅煙花球，會發放到天空之中，形成大型傘狀花火～～

4.土浦全國煙火競技大會    （茨城縣）

Photo from Instagram

亦係日本數一數二熱門嘅花火大會，最大特色就係快速連發1000枚煙花。而且好近東京市，交通非常方便～

5.神奈川新聞花火大會    （橫濱）

Photo from Instagram

神奈川新聞煙火大會係關東最具代表性嘅花火大會之一，有大量連發嘅尺玉煙火球，同埋海面反射煙花倒影，兩者互相輝映～～

想知更多日本嚟緊有d咩花火大會同埋舉辦日期，可以留意以下網站，隨時更新花火大會日期資料!!!
網址：sp.jorudan.co.jp/hanabi/

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）