[小編試食]又係浪漫乾花主題餐廳！超清新日式all day breakfast～日式飯糰、紫菜、栗子、玉子nü sh

平時食得多美食all day breakfast，可能會覺得好肥膩唔健康，如果想食清清地，可以選擇呢個日式all day breakfast，裏面有日式飯糰、紫菜、栗子、玉子同埋蜜瓜等等，小編試食過，每一款食材都好新鮮，味道唔錯呀！

飯糰有兩個，食落好煙韌Q彈，呢個份量其實兩個女孩子share都得。

呢間小餐廳位於k11商場3樓，經過以為係賣花既地方，望入去先知道有野食。呢度既環境都係一大賣點，以乾花作為主題，暖黃色既燈，十分優雅舒服！

門口位有好多乾花同埋花藝品，食客既可以欣賞優美既環境，又可以買d花飾品帶返屋企.

餐廳好多地方都可以搵到唔錯既打卡位，可以影下文青相呃下like!

呢度既食物價錢唔算平，都係食物質素相當不俗，呢個蒲燒鰻魚，鰻魚肉質鮮嫩，燒得甘香，一點兒腥味都無，係小編係香港食過既鰻魚裏面算數一數二！

花主題餐廳當然要有玫瑰花茶，呢度會另上一小杯蜜糖比你加落去，根據個人口味調整甜度！

仲有呢個三文魚沙律卷，由好多新鮮蔬菜整成，配上三文魚碎同沙律醬，健康得來又好食！

朝花夕拾
地址
尖沙咀河內道18號K11購物藝術館2樓201B號舖
Shop 201B, 2/F, K11 Art Mall, 18 Hanoi Road, Tsim Sha Tsui