達哥台灣開直播中途被警方問話？！問台妹攞IG慘遭拒絕場面尷尬

時事熱話

By Jennifer on 30 Jun 2023

Digital Editor

「打機KOL」達哥（林慧韡）因為直播打機而走紅，佢近日就飛到台灣，並且喺直播平台開直播。達哥行夜市時就叫兩位台灣女生follow佢IG竟食檸檬！佢慶祝11週年更被當地警方問話！

Photo from 達哥IG

達哥網上直播打機

達哥（林慧韡）早年喺網上直播打機，因為「卡關」、講下有趣新聞、以及極具個人特色嘅口頭禪如「喊出嚟」、「完！」等，吸引咗唔少網友觀看直播，平均有3,000～4,000人睇達哥直播，人氣頗高。

Photo from 達哥IG

達哥飛台灣放煙花慶祝爆機兄弟11周年

近日達哥就出發去台灣訪問《Final Fantasy 16》嘅製作人吉田先生，佢亦有喺直播平台直播佢嘅台灣之旅，不過呢個旅程卻有唔少「意外」發生！

Photo from 達哥IG

首先達哥喺6月28日就以「11周年煙花匯演」為題開咗直播，原來達哥為咗慶祝爆機兄弟11週年，準備放煙花同一班兄弟分享喜悅，見達哥都買咗好多煙花，一一放上天空。

Photo from twitch

被台灣警方問話

雖然達哥表示佢喺放煙花之前已經做好晒準備，同咗好多單位溝通，終於「排除萬難ok」，但直播放煙花途中有2位警察揸住電單車到場，同達哥傾溝咗一陣後，達哥就將直播關閉。

Photo from twitch

唔少兄弟都好擔心達哥情況，達哥閂咗直播後一直無更新近況，有網友驚佢已被警方拘捕。不過過咗一日達哥再開直播，今次佢就同大家一齊行夜市。

Photo from twitch

達哥行夜市問台灣女生拎IG遭請食檸檬

達哥食咗夜市小食，又行咗一啲店舖，達哥喺直播期間就有行入一間店並同兩位台灣女生傾偈，但過程卻十分不順利，達哥更慘食檸檬！

Photo from twitch

達哥以不純正普通話向兩位台灣女生宣傳個人頻道，問對方有無「追隨我頻道」，但兩位女士卻一臉茫然，之後達哥直接道：「拿你手機來我幫你按」，雖然兩位女生都有拎出手機但當達哥表示：「追隨我ig就好啦」，兩個女生卻表現得相當唔情願，達哥即擺手：「好！沒關係！」然後就同對方講bye bye，極速離開，場面尷尬。

Photo from twitch

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Alton@MIRROR獲撐做打機擔當！view數仲高過達哥？！網民：殺出新血路！

12 May 2023

被網民劃分為「下弦」嘅MIRROR成員Alton，不時開live打機，累積咗唔少觀眾，近日，有網民開post大讚Alton打機片好睇，甚至發現觀看次數高過達哥！

Photo from Instagram @altonwongz

男團MIRROR成員各有發展，人氣亦各有高低，因此被網民劃分為「上下弦」，當中，王智德(Alton)則被視為「下弦」成員，平時除咗演藝活動，都會用個人YouTube Channel及IG開live打機，吸引唔少fans、機友圍觀，最新一條直播片中，Alton問到有冇男性觀眾，發現都有唔少男士過嚟睇佢打機。

Photo from Instagram @altonwongz

Alton打機片仲高過達哥？！

日前，更有網民喺連登以「笑笑下....原來alton wong 打機已經多人睇過達哥」為題開post，發現Alton喺YouTube上嘅打機片觀看次數達到1.5萬，已經超過達哥，雖然有網民其後指出達哥喺另一個平台直播，YouTube影片係用嚟backup，同Alton用「YouTube直播＋backup」唔同，不過討論區上一改對Alton嘅負評，網民大讚Alton「打機幾好笑」、「睇住屢敗屢戰，正呀」、「真心佢eq好高」、「幾有觀眾緣」，更有網民認為Alton終於搵到定位，憑打機片「殺出新血路」，並支持佢成為打機擔當！