吳尊度假村級汶萊豪宅環境曝光設滑梯泳池及籃球場網民:可參觀嗎？

By jack on 06 Sep 2023

Digital Content Writer

43歲的飛輪海成員吳尊擁有俊俏外表及豐厚身家，是真正「高富帥」代表，2004年他與初戀結婚，誕下一女一子，榮升爸爸的吳尊對子女寵愛有加，專一有型又顧家，可說是演藝圈的「完美男神」！除此以外，吳尊原來別具設計天份，近日他拍片介紹自己耗時3年親手打造的汶萊夢幻豪宅，屋內設有旋轉滑梯泳池及私人籃球場，而且佈置奢華有格調，令網民們讚嘆不已，更表示想參觀兼入住！

Photo from 吳尊 IG

為家人打造夢幻度假屋豪宅中心設旋轉滑梯泳池

豪宅位於吳尊的家鄉汶萊，據指他於2018年已著手設計，2021年落成，當時他有舉行入伙儀式，更在社交網貼照片分享喜悅。不過當時吳尊只公開了部份家居照片。事隔兩年多，最近吳尊接受建築設計雜誌訪問，拍片介紹自己的夢幻豪宅，將家中各個主要區域的環境曝光，首先吳尊帶大家走到豪宅中心位置，當中建有一個戶外泳池，更設一條兩層高的旋轉滑梯，他透露其滑梯以珍珠白色馬賽克石打造，是一件極具氣派的藝術品，吳尊坦言自己設計時是想將家居打造成度假天堂，加入文萊特色建築「水屋村」的元素，將泳池放在中心，在家任何角落都可看到，更可隨時跳落去游水！
Photo from 吳尊 IG
Photo from 吳尊 IG
Photo from 吳尊 IG

擺有不同藝術品及自家創作設私人籃球場及珍藏博物館

其後吳尊開始介紹豪宅室內空間，其客廳及廚房採用開放式設計，光猛闊落具空間感，同時放了不少藝術擺設，期間他特意介紹一款自家創作，是以他與太太指紋製作而成的心形藝術品，非常浪漫。而豪宅二樓則有一個家庭客廳，放滿了子女的畫作及一家人的合照，感覺幸福又溫馨。吳尊更為自己打造了一個猶如小型博物館，專放球星珍藏品，更有一些自己做封面的雜誌。此外，他更有一個專屬「鞋屋」，當中有兩個最少有5層的鞋櫃，目測放滿過百對珍貴籃球鞋。接著他帶大家走到室外，當中設有一個私人籃球場，更有一面他自行創作的塗鴉牆，可見他畫功了得且具設計感。
Photo from 吳尊 IG
Photo from 吳尊 IG
Photo from 吳尊 IG
Photo from 吳尊 IG
Photo from 吳尊 IG
Photo from 吳尊 IG
Photo from 吳尊 IG
Photo from 吳尊 IG
Photo from 吳尊 IG
即睇更多人氣文章：
內地女租住佐敦鳳樓遇3戶一樓一怕被誤會發文求救網民:建議開店賣補充品
 【日本手信2023】河口湖手信8大必買精選！富士山吐司+夢幻彩色羊羹+山頂神社御守！

直言豪宅是他人生最重要作品獲網民盛讚：天才設計師

事後吳尊有在社交網貼出照片，直言該豪宅是他一生最重要的作品，亦是他送給家人最重要的禮物，又透露自己從小熱愛設計，這項計劃亦一圓了他修讀室內設計的想法。不少網民大讚吳尊設計的豪宅充滿愛及個性，甚至比很多酒店都美:「進了這個家都不想出去了。滿滿的正能量」、「夢中的房子，住這裡誰還想出去呢」有人讚吳尊充滿設計天賦「尊哥真的是天才設計師！所有的元素和風格都融合的好好喔！」更有人笑問:「吳老闆！開放參觀嗎？」吳尊回應：「讓我想想票要買多少錢」
Photo from 吳尊 IG
Photo from 吳尊 IG
Photo from 吳尊 IG
Photo from 吳尊 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

吳尊想子女感受中華文化移居內地，入讀國際學校！多位星二代校友

6 Sep 2022

台灣組合「飛輪海」前成員吳尊曾經帶一對仔女上內地綜藝節目《爸爸去哪兒》，早前佢為咗送子女去中國升學而決定舉家移居內地。日前吳尊就拍攝vlog，紀錄子女返學嘅日常，原來子女NeiNei同Max都係就讀上海嘅國際學校。

Photo from 吳尊微博

吳尊安排子女內地升學感受中華文化

吳尊雖然係偶像男團嘅成員，但其實佢同太太林麗瑩結婚多年，兩人更係彼此嘅初戀。吳尊直到女兒出生3年後先公佈已婚，不過佢形象並未受到太大影響，相後佢之後仲帶埋女兒Neinei（吳欣怡）參加《爸爸回來了》，之後又帶埋兒子Max（吳鑫樂）出演《爸爸去哪兒第五季》。

Photo from 吳尊微博

吳尊一家喺內地人氣唔低，喺2022年初吳尊上內地節目受訪時透露有意送一對子女返內地升學。本身喺澳洲讀書嘅吳尊曾打算畀子女去澳洲升學，但因為疫情令佢改變主意。

Photo from 《星月對話》

佢表示想仔女好好學習中文：「最重要的是要讓小朋友去感受我們中國人的文化」，又話已經同太太商量過，大家都一致同意呢個決定：「希望他們（Neinei同Max）可以好，然後他們以後一定會感激我。」

Photo from 吳尊微博

吳尊一家四口定居上海

為咗方便仔女返學，吳尊一家四口已經搬到上海定居，不過佢哋搬家後便立即遇上上海封城。但身為「汶萊王子」嘅吳尊出生於富裕家庭，父親吳景添係地產大亨，佢哋喺上海嘅住所亦專設運動房間，喺封城期間仍可全家日日做運動。

Photo from 吳尊微博

吳尊仔女就讀上海耀中國際學校，學費一年逾20萬

轉眼間吳尊一家已經移居上海近半年，佢最近喺抖音公開仔女開學嘅影片，相中佢為子女準備好早餐，之後就送佢哋搭校車返學，佢表示Neinei同Max第一次喺中國返學有啲緊張，佢同太太都有啲唔捨得。

Photo from 吳尊抖音

有網友根據Neinei同Max所著嘅校服估計吳尊為子女報讀嘅係上海耀中國際學校，學費高昂，小學一年學費由29.3萬人民幣（約$33.3萬港元）～30萬人民幣（約$34萬港元），中學學費更高，由32.7萬人民幣（約$37萬港元）～34萬人民幣（約$38.7萬港元），吳尊一對仔女一年嘅學費已逾$60萬港元！。