酒店物品用途大公開！床尾巾唔係淨係裝飾、床上4個枕頭有咩用？！

By Jennifer on 24 Dec 2023

Digital Editor

去旅行酒店房間都有唔同嘅裝飾，但房間有好多物品其實都唔係裝飾咁簡單！淨係張床已經大有學問，床尾巾、幾個枕頭等全部都有唔同用處，即刻公開佢哋嘅真正用途！

每次住酒店，床尾通常會放一條長布。唔同嘅酒店床尾嗰塊布都會有所不同，可以反映出酒店嘅風格。不過其實呢塊布唔係裝飾咁簡單，喺床尾放嘅嗰塊布其實叫「Bed Throw」，最初起源於美國，主要目的係可以畀客人唔除鞋都可以舒服咁瞓喺床上，同時仲可以保護床單嘅清潔同衛生。

雖然好多國家嘅人都未必習慣唔除鞋就上床，但喺床尾放長布呢個做法幾乎成為全球酒店嘅慣例，即使唔會著鞋上床，有時可能有人會將行李放上床，咁呢塊床尾巾都可以發揮同樣嘅作用。

依家床尾巾唔單止係一個實用嘅物件，而且都成為咗酒店品牌宣傳嘅一種方式。當你喺社交媒體上睇到某間酒店嘅床尾巾，你肯定可以辨認得出佢嘅特色同風格。

另外酒店一張床通常都會有兩個枕頭，如果係雙人床就會有4個枕頭，咁多個枕頭究竟有咩用？其實係呢啲枕頭高度及軟硬度都有所不同，可以畀客人揀返最適合自己睡眠習慣嘅枕頭。

有啲酒店更會提供唔同材質嘅枕頭，而且多出嘅一個枕頭亦可以畀客人墊喺腰下或大腿、小腿下面。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

去旅行酒店廁所竟有2個馬桶？文化差異常見於歐洲！真實用途公開

1 Dec 2023

去旅行有啲地方嘅酒店廁所，會設有一種特殊設計嘅馬桶，通常都喺一般嘅馬桶旁邊，睇落似洗手盆，有一個水龍頭，唔少人都唔清楚呢個「馬桶」嘅真身係咩？佢嘅真正用途公開！

Photo from Peter Robertson Flickr

去歐洲旅行，甚至喺日本部分酒店都會發現廁所設有呢個特別嘅馬桶，大家千祈唔好坐喺上面排便，因為係沖唔到㗎！

Photo from Vox

Photo from 《大叔的愛》劇照

其實呢個「馬桶」叫做「bidet」，可稱作「坐浴盆」或「坐浴桶」，喺法國、意大利、西班牙等歐洲國家較為常見，所以有時去旅行都會見到，但就未必用過。

Photo from Viadurini Bathroom

坐浴盆實際上係等人如廁之後，可以坐上去清潔下體，如女性就可以用嚟沖洗「妹妹」，以保持衛生。

Photo from The Guardian

古法文中「bidet」意思係指「騎馬」，用坐浴盆時需要面對水龍頭嘅方向坐上去，打開水龍頭調整水溫同埋水量，然後水柱就會從馬桶底部噴出來。坐浴盆價錢比較貴，而且佔空間，所以一般嚟講只有較為高級嘅酒店先會有。

Photo from Online Store

坐浴盆係一個非常貼心既產品。除咗用嚟清洗下體，仲可以做其他清潔工作，例如洗手、洗衫同洗掃帚等等。

喺日本有部分酒店廁所都會配有坐浴盆，不過近年電動馬桶一般都有埋「坐浴」嘅功能，所以唔再需要另設坐浴盆。

Photo from 伊丹機場

Text: HolidaySmart Editorial

內地遊客花1.2萬住五星級酒店驚見咖啡杯有污漬！酒店回應離譜惹眾怒

17 Oct 2023

最近有內地網民投訴香港一家知名的五星級酒店房間供應的咖啡杯上竟然有明顯有污漬，質疑酒店的衛生問題。酒店方面的回覆也引起關注，網友力斥回應荒謬：「咁都講得出」

Photo from 《假面酒店》劇照

小紅書經常有網民分享來港旅遊攻略，最近一位內地遊客就指國慶期間來港旅遊，由於時間緊迫，又見小紅書上有不少博主推薦這家酒店，於是一家四口便花費超過$1.2萬元入住香港一家五星級酒店的超豪華海景房2晚。

Photo from 小紅書

不過她指：「沒想到第一天入住就給了當頭一棒，進屋有很重的異味，迷你吧的杯子竟然有喝過的咖啡漬。」從網民公開的照片可見咖啡杯外面的杯壁有明顯的咖啡色污漬。

Photo from 小紅書

不少網友對於事主花費$1.2萬入住該酒店表示不解，更直言這家酒店一晚房價只需$2,000多，事主就解釋是國慶前訂的，可能會看到煙花，所以房價更貴。有另一位網友表示自己也有入住該酒店，房間的確有打掃不乾淨的情況，投訴後獲免費升級成超豪華海景房，另外多送了一天迷你吧和水果。

Photo from 小紅書

事主也指酒店「只送了個果盤表示歉意」，由於對房間不滿意，事主給了「差評」，然後收到酒店的郵件回復，酒店方指：「杯邊的啡色痕跡為陶瓷燒製咖啡杯原有的花紋設計。」

Photo from 《假面酒店》劇照

Photo from 小紅書

不少網友都指郵件回覆太荒謬，更建議事主向《東張西望》報料。香港網友亦都狠批酒店：「咁都up得出」、「咁都花紋，同埋萬二蚊一晚隻杯都咁，真係離譜喎！我早排返大陸探親，住間200幾人仔一晚嘅酒店都唔會咁」、「抹得甩就證明唔係花紋，而係污漬」

Photo from 小紅書

Photo from 《假面酒店》劇照

Photo from LIHKG

Text: HolidaySmart Editorial

日本酒店業修例拒麻煩客人入住列客人6大過份要求再違例即報警處理

8 Sep 2023

日本人崇尚「顧客就是上帝」的服務精神，亦因此造就「過度服務」的不良現象，此歪風嚴重影響當地酒店業，令不少無理住客恃寵生驕，提出過份要求兼大鬧酒店。有見及此，日本政府近期計劃修訂酒店業法例，容許酒店及旅館在特定情況下拒絕住客入住，更舉出6大例子，提醒大家切勿犯以上惡行！

Photo from 《假面酒店》

為保障酒店從業員作出修例容許酒店拒麻煩客人入住

綜合日媒報道指，以往日本酒店從業員遇上麻煩客人無理取鬧時，總是束手無策，皆因他們原則上無法拒絕讓客人入住，不過今年6月日本厚生勞動省已就酒店業法案作出修例，當中主要刪除酒店及旅館因客人未遵守防疫政策下，而禁止旅客入住的權限，同時為保障酒店從業員免受客人過份行為滋擾，減輕其工作壓力，決定立例容許酒店在特定情況拒絕麻煩客人入住！

Photo from 《日テレNEWS》 YouTube

客人若提出6大過份要求酒店有權禁止他入住

日本厚生勞動省於本周二(5日)再舉行會議，並就旅館業法的修訂提出具體指引，當中更舉出6個具體例子，若旅客做出以下行為即被視作「過份要求」，酒店有權禁止旅客入往。

1.以電話或電郵長時間轟炸及責備酒店職員，或提出過份要求
2.租往房間時要求酒店空出周邊單位，不讓其他客人入住
3.持續無理地向職員索取優惠及升級服務
4.要求酒店提供比其他客人更優質服務
5.對酒店職員提出無禮過份的要求做，如下跪道歉
6.醉酒狀態下要求入住

Photo from 《日テレNEWS》 YouTube

常有麻煩客大鬧酒店為減住宿費無理取鬧

其實麻煩客人大鬧酒店的情況屢見不鮮，據日媒《日テレNEWS》報道，曾有住客投訴東京某間高級酒店大堂擺放香薰令他感到不適，即向酒店要求替換成無香味香薰並免去他的房租。此外，神奈川縣溫泉勝地箱根一間旅館亦接獲過離奇投訴，有團體客人指餐點內有香口膠，要求旅館將原價每晚3.5萬日圓（約1,900港元）住宿費減半，最後客人仍不滿，旅館最終減至3折作賠償。

Photo from 《日テレNEWS》 YouTube

遇客人違例店家可報警處理新法例預計12月前實施

新法案雖容許酒店方拒絕麻煩客人入住，不過有當地酒店坦言難以開口請違例的客人離開，有人更擔心會觸動客人情緒，做出更激進的行動。若面對客人不配合的情況，新指引表示酒店方可要求警方介入處理事件，若有客人在酒店大聲謾罵職員，即會被視為「強行妨礙營業罪」，若客人故意破壞設備即可以「財產損失罪」控告他，若有人威脅職員，要求酒店提供優惠及免去住宿費，否則會在網上「唱衰」酒店，此行為即被列作「指控未遂敲詐罪」處理。此外，為保障酒店員工安全，新例更容許酒店拒絕接待患有伊波拉和肺結核等《傳染病法》第1類或第2類傳染病的患者，同時亦明確指出酒店不能以殘障為由拒絕殘障人士入住。新法例預計於12月前實施。