火爆大叔鬧爆壽司店送餐列車一原因指被「針對」憤怒值爆表餐廳大叫：我忍無可忍啦！

By Macy Sun on 09 Feb 2024

近日，有網友在網上分享其在某大型連鎖壽司店遇到的搞笑事，稱自己用餐期間鄰座有一位火爆大叔因壽司店的高速線送餐列車而感到憤怒，大呼了一聲：「我忍無可忍啦！」並叫來職員理論，怎料結果竟聽到爆笑內容！

Photo from 《孤獨的美食家》劇照

近日有網民在facebook群組「西店Hi客之道」投稿分享其在將軍澳某大型連鎖壽司店遇到的搞笑事。事源他在用餐期間，突然聽到鄰座大叔大吼：「我忍無可忍啦！」然後用手機拍下運送壽司的列車，並氣沖沖找職員理論。網民最初以為是列車送錯壽司或者有蟲，怎料卻聽到大叔極憤怒的說：「你哋舖頭有上中下幾行軌可以送餐俾客，有乜理由次次送嘢俾我都係用最上嗰行？」原來大叔並不是因為食物質素有問題而投訴，而是認為送餐系統有問題，指餐廳每次都把壽司放在最上那行。其後他繼續罵道：「我見隔籬附近啲客都有用幾行收嘢食，點解剩係得我係用最上？要個客係咁起身攞嘢食，好有問題喎！個廚房成日貪方便擺第1行出，有冇諗過個客要企起身？」火爆大叔連翻大爆發指被「針對」，最後要求：「我之後order嗰啲壽司，全部同我用手攞過嚟俾我！」

Photo from Facebook截圖

Photo from 《孤獨的美食家》劇照

其後該名被出氣的無辜職員則連忙向火爆大叔道歉，並跟廚房壽司師傅溝通提醒火爆大叔的壽司要人手送餐，結果下碟壽司卻仍然放在自動送餐列車的最上層，隨即讓火爆大叔憤怒值飆升到最高點大喊：「同我叫你經理出嚟！」見此職員馬上解釋稱：「唔好意思呀先生，經理講緊電話。」，但火爆阿叔當然不收貨怒稱：「咁架車同我擺喺度唔好郁，我就等你經理出嚟！」然而過了10分鐘，經理仍然沒有出來處理，逼得火爆大叔一怒之下打電話投訴，「我要投訴你哋將軍澳分店嘅職員……同你哋店員講叫佢哋用手拎壽司俾我，都仲係出車！你哋設計好有問題，擺咁高點拎？！仲有，究竟係廚房邊一個make呢一個decision仲出車過嚟我度，係咪玩嘢？！我要知佢係男定女，佢個名！」

Photo from 愛回家劇照

最後可惜網民隨後就離開了餐廳，無法知道後續。不過帖文一出就引起網民熱烈討論，有人笑言：「全世界都知阿叔不舉（高手）」、「邊食邊做運動」、「究竟佢有幾矮先至要企起身拎定將軍奧果間特別高？」、「我都要投訴！明知我腰痛，汽水機要彎低腰攞」。亦有人指責大叔：「又窮又要扮大款，咁有米去食亞媽家姐有專人服侍你添呀」、「人無恥便無敵，難為了啲店員」、「西中之最」，不過也有中肯的網民表示：「老實講，我比較矮，上層真係好難拎」

Photo from Facebook截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

客人怒斥餐廳難食要求免收費見人投訴成功有樣學樣最後待應姐姐咁處理

20 Jan 2023

只要在香港從事過服務業，必然遇過不少無理又麻煩的客人，面對種種辛酸及委屈，很多時候只能忍氣吞聲，息事寧人。最近有網民分享影片，當中有一對男女在茶餐廳用餐後，向待應投訴食物難食，要求餐廳完全豁免收費。期間待應向女子解釋狀況及理論，但對方堅持不付錢，最後待應無奈屈服。事件引起網民熱議，紛紛批評食客要求無理兼面皮厚。

Photo from 香港茶餐廳及美食關注組 FB社團

見隔離枱投訴有樣學樣疑似想食霸王餐？

上星期六（14日）有網民於FB公開社團「香港茶餐廳及美食關注組」分享一單關於「西店 vs 西客」的茶餐廳見聞，他上載一段影片，並以文字描述當時情況，片中有一對老年男女找待應理論，該名女士向待應投訴，指茶餐廳的食物味道強差人意，據影片上傳者指，事發前有另一枱客人不滿該店的食物質素，要求豁免收費，不過據稱這枱客人幾乎沒有吃到食物就離開。而片中老年男女則吃過部分食物並喝完凍檸水，然後再有樣學樣投訴，指食物質素參差，與待應爭論帳單費用，要求完全豁免收費。

Photo from 香港茶餐廳及美食關注組 FB社團

自稱是餐廳常客不滿食物款式過少

根據片主的文字描述及影片顯示，待應向該老年男女收取飲品費用，但該女士一直吵鬧，要求豁免全部收費，又自稱是餐廳熟客「你明㗎，我地都係樓上樓下，即係成日都嚟呢度食㗎」其後該女士開始投訴，指今次用餐體驗很差，批評食物款式選擇少「真係好差，咩咩海南雞又冇，跟住呢個呢…跟本唔係擺落口… 呢個又冇蝦…好少，…又冇薯條，我想食羊扒果個…但係果個又係冇。」該女士又提到先前不滿食物而投訴的客人，強調自己亦只吃了很少東西，，最後待應選擇息事寧人，表示二人帳單收費全免。

Photo from 香港茶餐廳及美食關注組 FB社團留言

Photo from 香港茶餐廳及美食關注組 FB社團

網民批評食客面皮厚兼呃飲呃食

不少網民看過影片及文字描述後，指該女直吃完飯才投訴食物有問題，目的就是「食霸王餐」，又批評她面皮厚兼無理取鬧：「人無恥便無敵」、「唔掂咪以後唔好幫趁囉，呃飲呃食好乞衣啫」、「活左幾十年人第一次聽到唔好食，可以唔俾錢走人，如果係咁香港好多食店可以提早結業」有人則指餐廳若遇上這種客人，建議報警處理：「報警，唔好食就下次唔好再食，食左就要比錢」、「講多無謂，唔比錢就報警」、「直接報警話有人食野唔比錢算啦，同佢理論都多餘」同時亦有網民笑問：「到底係邊間連續兩檯人都話難吃呢?」