《亞洲超星團》團名LOONG 9被嘲！官方親回應！網民：公關好急

美食推介

By Jennifer on 11 Mar 2024

Digital Editor

《亞洲超星團》出道團團名——「LOONG 9」公開後引起了熱議，除了香港觀眾表示難以接受外，連內地網民亦指團名太難聽，TVB社交網站有有批網民留言取笑，竟獲官方回覆？！

Photo from TVB

《亞洲超星團》公佈團名後許多人都覺得這個名字很好笑，甚至有人笑言這是講粗口或者泰文，認為用廣東話讀「LOONG 9」發音十分滑稽。連內地網民都表示不能理解為何要取這個名字。

Photo from 小紅書

Photo from TVB

網上有人惡搞，將「LOONG 9」加入獎門人的問答題之中，不少人指「LOONG 9」諧音「燶奶」、「燶九」，意頭不好。更指LOONG 9這個名字讓人聯想起電影《賭俠》中的角色龍九。

Photo from 小紅書

Photo from TVB

網民湧到TVB官方社交網站留言取笑「LOONG 9」這個名字，竟被回覆！「TVB綜藝」這個帳號在Facebook回覆了很多網民的留言：「一聽個名就想笑」，TVB綜藝以獎門人金句回應：「最緊要大家開心，Super!」；網民：「Super Tiger個名原來改得好好」，TVB綜藝則指：「Loong 9 都幾好吖」；網民笑言：「以為講緊泰文」，TVB綜藝回覆稱：「有無啲睇緊獎門人嘅FEEL」

Photo from TVB

而「TVB」Facebook帳號亦有加入討論，有網民分享《賭俠》由陳法蓉飾演「龍九」的劇照，TVB官方帳號回覆：「如果你非要翻譯成中文的話...」，有網民就直言：「見到你哋關公開行turbo都好好笑」、「吸引到人注意就是成功嗎？被恥笑到……」

Photo from TVB

LOONG 9的成員冼靖峰代表整個團隊解釋了他們新團名的寓意。LOONG 9的「9」代表著9個成員，而龍也有很好的寓意，他坦言：「我哋冇諗太多，名只係一個title」，認為只要做好舞台，觀眾將看到他們的努力。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB YouTube節目又抄ViuTV《美女郊遊遊》？官方親自回應被網友直言：好厚面皮！

26 May 2021

TVB近日因YouTube頻道影片封面同ViuTV《ERROR自肥企画》相似而被指抄襲！估唔到事隔無幾耐，再有新節目名稱同「格仔導演」Mike導另一節目撞名！令大批網友不滿留言，而官方今次更親自回應，卻被網友指好厚面皮！

Photo from ViuTV

TVB近年喺YouTube開咗唔少新頻道，積極發展網上平台，而無綫大股東之前都指公司太多山頭文化，更從管理層開始「大改革」，而副總經理曾志偉上任後，有唔少節目都迎嚟改版。

Photo from 曾志偉微博

另一間電視台ViuTV最近節目備受關注！旗下人氣爆燈嘅偶像組合MIRROR新節目《調教你MIRROR》即將播出，啱啱播完嘅《ERROR自肥企画》討論度亦相當高！

Photo from ViuTV

《ERROR自肥企画》除咗主持ERROR四位成員外，幕後一眾「無制限OT編集団」工作人員包括Agent. L、導演Mike等都人氣急升！

Photo from ViuTV

早前有網友就發現TVB旗下一個YouTube頻道「女神channel」上載咗張曦雯嘅片段，封面竟然同《ERROR自肥企画》極為相似，構圖尤如「倒模」，用字亦差唔多，惹起「抄襲」之嫌，被網友留言指：「好可悲，咁都要抄」。

Photo from 女神channel

事件傳出後頻道已將有關影片下架，而張曦雯出席活動時亦被追問，當時佢回應指唔係好清楚發生咩事，表示可能公司覺得佢哋做得好想copy下。

Photo from 張曦雯IG

估唔到呢件事過去無幾耐，TVB又再被指抄ViuTV！原來TVB旗下另一YouTube頻道「See See TVB」近日公開咗新節目，內容係由落選港姐何泳芍（Honey）帶埋一班菲律賓姐姐一齊行山執垃圾。

Photo from See See TVB

不過呢一期節目名為《Honey初體驗︰姐姐郊遊遊》，就同《ERROR自肥企画》幕後班底「無制限OT編集団」嘅另一個節目《美女郊遊遊》撞名！《美女郊遊遊》由兩位美女主持沈殷怡同陳欣妍一齊行香港各大奇山險徑，「郊遊遊」其實唔係一個常用字，因此喺影片下面有唔少網民不滿TVB疑似又再抄ViuTV：「抄到諗名都懶」。

Photo from See See TVB

Photo from ViuTV

之前TVB副總經理曾志偉就表示因為ViuTV「題材比較偏門」，又得4點收視，所以只可以同J2台比較，網友就留言指：「堂堂一個20點收視大台走去抄個得4點收視嘅台」

Photo from See See TVB

點知「See See TVB」竟然親自回覆呢個留言：「我地蚊型台，得1700 views，零點一收視都冇」，不過佢嘅回應就引嚟網友更加憤怒：「仲好意思駁嘴？我理得你YT有冇人睇啦咁大間電視台竟然容許自己班下屬去抄人哋idea 你地根本就係唔尊重成個電視業文化啦」、「姐係認抄人啦」、「不如直接轉播ViuTV節目啦」。