張致恒疑無交電費家中被cut電！雯雯爆煲：完全唔係容忍範圍之內

娛樂新聞

By Jennifer on 16 Apr 2024

Digital Editor

張致恒（Steven）和妻子區燕雯（雯雯）結婚近5年，育有4個孩子。生活中的種種難題使他們時常陷入爭吵。雯雯更自爆家中已被cut電，她忍不住爆發：「完全已經唔係容忍嘅範圍之內。」

Photo from 張致恒IG

今天早上，雯雯發現家裡斷電，無法煮飯和給寶寶泡奶：「要發生嘅，終於都發生。你終於都令到屋企發生俾人CUT電，完全已經唔係容忍嘅範圍之內。小朋友又無得煮嘢食，又無熱水沖奶，不停喊，請問你想我點？﹗」

Photo from 張致恒IG

Photo from 雯雯IG

雖然她未有指名道姓，但不少網友都認為雯雯所說的「你」是指老公Steven。事實上，之前他們提到聘請的工人還未上班，這段時間讓他們更加困難。不少網友對雯雯的帖文有不同的意見，有人認為她只是想要金錢幫助。

Photo from 張致恒IG

Photo from LIHKG

Steven雖然已打兩份工，但似乎暫時未能援解家中的經濟困難。有網友指出被斷電應該已有很長一段時間才會發生，但同時有網民質疑家中被cut電但雯雯仍有心情用電話上IG發文。

Photo from 張致恒IG

Photo from LIHKG

為了家計，Steven最近變得極度勤奮，在餐廳打工、派傳單和送外賣。近日，他們帶著一家六口外出慶祝大兒子的5歲生日，並在社交媒體上分享了一張全家福。在照片下，Steven寫下了對兒子的期許：「千祈唔好好似daddy咁失敗。」

Photo from 張致恒IG

另外早前雯雯在Instagram上發布了限時動態，表達她的感受。她提到了家人得了癌症，她們的兩隻愛犬也生病了。她還透露有一個孩子被診斷出患有自閉症和過度活躍症，她無法獨自照顧這類孩。雖然當時她沒有透露是哪個孩子患有自閉症，但可能有人誤解了大兒子被診斷出患有自閉症，所以Steven和雯雯在Instagram上澄清：「我想澄清番天寶係冇自閉。」

Photo from 張致恒IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張致恒獲出價1萬買Twins電話！坦言吸引但拒絕，返新工賺錢養家

5 Apr 2024

張致恒最近終於再次返工，佢上載咗幾張佢喺相，表示自己有做派傳單同喺茶餐廳工作，另外佢最近喺IG分享有人願意出價$1萬向佢買明星個電話號碼，張致恒就指價值好吸引，但唔會出賣朋友。

Photo from 張致恒IG

張致恒同太太區燕雯（雯雯）之前講到佢哋個家境唔係咁好，但係為咗養育佢哋四個仔，佢哋依然努力工作。雖然經常被指唔肯「正正經經搵工」，但Steven夫婦的確諗咗唔少賺錢方法，例如開設影片製作公司、大晒QR code呼籲大家為佢哋提供經濟援助。

Photo from 張致恒IG

不過之前張致恒同雯雯就宣布與投資者終止合作，影片製作公司計劃不了了之；晒QR code佢亦指自知唔係明智嘅決定，但希望外界會幫佢渡過呢一個月難關。

Photo from 張致恒IG

唔知係咪有人接濟，一個月後張致恒就公開近照，自稱：「我派緊傳單」、「一陣間返入廚房」，似乎已搵到新工，佢之後再更新IG Story，表示：「今日做外賣仔」

Photo from 張致恒IG

唔少網民表示肯踏實工作係最好，但亦有人擔心佢依家喺茶餐廳嘅工作唔知係咪可以長久，因為張致恒之前亦曾打工，但最終都係辭職，然後再喺網上公開呼籲大眾「資助」，未知今次佢可以堅持幾耐，擔心佢重施故技。不過佢有喺IG指自己有意搵多份工，希望有人介紹佢。

Photo from 張致恒IG

不過張致恒其實都有其他「賺錢渠道」，佢喺社交媒體分享有人問佢願唔願意出賣明星個電話號碼，對方甚至願意出價$1萬買Twins嘅電話號碼。但係張致恒堅決拒絕，雖然佢一開始有問對方肯出幾多錢，但未獲答覆就表明：「大部分（明星電話號碼）都有，但係我唔會賣」張致恒指：「其實係幾吸引嘅，但係我從來都唔會出賣朋友」，但佢亦自嘲：「雖然我而家冇朋友」