尖沙咀4間人氣高級餐廳推介 ！美國運通卡專享高達75折優惠

By Pat on 02 May 2024

Digital Editor

尖沙咀一向出名多嘢食！想要平民大件夾抵食嘅有、要有質感食氛圍嘅都有！今次就介紹四間位於尖沙咀嘅人氣高級餐廳，無論係中餐、西餐定日式料理都一應俱全！放假一於去嘆盡佢！而家如果你係美國運通卡會員，仲可以於指定人氣餐廳專享高達75折優惠！一齊睇吓邊間餐廳至吸引啦！ 

#正宗淮揚上海菜｜个園竹語 Gold Garden Shanghai Cuisine

講到要有情調，唔好以為只有西餐至可以做到，呢間「个園竹語 Gold Garden Shanghai Cuisine 」主打淮揚與及上海菜，餐廳由著名獲獎室內設計師設計，而其風格及靈感就源⾃揚州「个園」，猶如座落於「个園」嘅小屋，營造出超現實感覺！

Photo from Gold Garden Shanghai Cuisine

外觀雍容華貴之餘菜式都不容小覷，總廚有超過30年入廚經驗，最經典嘅「東坡草扎肉」，入口絲毫不油膩，無多餘嘅肥膏，而且豬皮又香又滑，加埋醬汁簡直係絕配！而且菜式超過一百款選擇，多到眼花繚亂，鍾情中菜嘅你一定唔可以錯過！

Photo from Gold Garden Shanghai Cuisine

地址：尖沙咀廣東道25號海港城港威商場3樓3202號舖
（憑合資格美國運通卡可享：自選食品餐牌高達88折優惠）

優惠不包括加一服務費茶芥, 小食, 飲品, 優惠菜式, 貴賓房, 宴會菜單及所有套餐
不適用日期：2024年5月10-12日，6月14-16日，9月17日及12月21日

#精緻日式料理｜海陽.居酒屋 KAIYŌ

位於尖沙咀 K11 Musea嘅「KAIYŌ 」，中文名又叫「海陽.居酒屋」。話明「海洋」，寓意指餐廳可以海納百川，提供多樣化嘅居酒屋美食俾大家，餐廳環境走高檔氛圍路線，樓底較高，食物款式上較一般嘅居酒屋多選擇，壽喜燒涮涮鍋、壽司刺身、燒物、佐酒小食都應有盡有，最啱鍾意試不同口味嘅朋友！

Photo from KAIYŌ

A4和牛西冷油脂分布平均，大火燒製表面將肉汁鎖住，食用時再配上鮮甜海膽及像雪糕幼滑的肥美鵝肝，各種美味在口中盛放。

Photo from KAIYŌ

地址：尖沙咀梳士巴利道18號Victoria Dockside K11 Musea 1樓103-103A號舖
（憑合資格美國運通卡可享：自選食品餐牌高達85折優惠）

優惠不適用於2024年12月24日至12月31日及其他公眾假期包括但不限於中秋節、冬至及前夕、冬至之前一星期。

優惠只適用於單點菜單。特別菜單、季節性菜單、套餐、私人活動、客製化菜單或其他促銷菜單除外。此優惠不能與其他優惠和/或促銷活動同時使用。

#米芝蓮日式法國菜｜TIRPSE 

嚟自東京嘅TIRPSE當初開業兩個月就獲得米芝蓮一星，餐廳內部簡約優雅採光十足，而且擁有無敵大海景！無論係嚟一餐悠閒午餐，或是享受一餐充滿格調嘅晚飯，TIRPSE都是最佳選擇！

必試推薦包括有：入口即溶嘅「味噌鵝肝」，以味噌醬調味過嘅鵝肝，巧妙地配搭椰子、柚子胡椒醬、醃蘿蔔及腐乳醬，濃郁與清新完美交織；仲有鮮嫩滑溜嘅「慢煮魚肉」，以菠菜包裹魚肉慢煮加上帆立貝慕斯，伴以運用日本香菜和芥末調製嘅醬汁，味道清新且層次豐富。除咗主菜之外千祈唔好錯過甜品！日本甜品師嘅法式甜品經過精心改良，而且大受當地日本人歡迎，光想像已經好驚喜！同女朋友嚟仲可以瘋狂影相打卡！記得提早預約啊～

Photo from TIRPSE

地址：尖沙咀梳士巴利道18號維港文化匯K11 Musea 2樓219號舖
**憑合資格美國運通卡可享：4道菜午餐9折優惠及招牌晚餐85折優惠

**優惠不適用於2024年5月1日、5月15日及6月10日。
需提前預約，請致電23330031、Whatsapp至61114519
或電郵至tirpse@tastegourmet.com.hk

#高級日本割烹料理｜Mu 炑 

講到餐廳，又點少得香港人嘅至愛日本菜！「炑」係壽喜燒（すきやき）同天婦羅（てんぷら）嘅高級料理餐廳，無論係前菜定主菜，全部都選用高級用料，廚師會喺開放式廚房入面對著客人即席烹調，功架十足！成個用餐區都只只係得14個座位，私隱度極高！而且所有天婦羅都超級新鮮，全部都係嚟自日本及世界各地嘅優質季節食材，除咗天婦羅，佢哋最引以為傲嘅壽喜燒係用最頂級嘅十勝和牛肉讓你感受不同部位肉質同肉感嘅美味！絕對令人無可挑剔！

Photo from Mu 炑