麥明詩甜蜜晒老公機師look被網民狠批！大方回應獲讚係「賢內助」

娛樂新聞

By Jennifer on 02 May 2024

Digital Editor

麥明詩（Louisa）同機師老公盛勁為（Keith）舉辦咗三場浪漫嘅婚禮。5月1日勞動節盛勁為要工作，麥明詩特登陪佢，仲係社交平台上分享咗一張拍到老公帥氣嘅相。不過有網友卻留言批評，麥明詩仍高EQ回應！

Photo from 麥明詩IG

麥明詩喺IG同小紅書都分享咗同一張相，佢喺小紅書更留言：「飛行員老公勞動節去勞動，早去早回呀」，盡顯新婚夫婦嘅不捨之情。結婚之後麥明詩都有分享好多老公相，十分甜蜜！

Photo from 麥明詩IG

相中盛勁為身穿黑色機師制服，拉住行李喼，非常專業，難怪麥明詩咁「心心眼」。唔少網友都話盛勁為機師look令人回憶起《衝上雲霄》，不過除咗讚美，亦有網民留言暗諷。

Photo from 麥明詩小紅書

有一位網友留言：「好多crew 都5會著制服影相，大家都會覺得好嘔心。」雖然佢加咗「笑喊」嘅表情符號，但似乎暗指盛勁為著機師制服影相係故意顯擺，而麥明詩則回應：「所以他樣子很無奈」

Photo from 麥明詩小紅書

另一個留言仲直接：「工作也要擺post, 請認真工作吧！幾百人性命在機上。」直指做機師應該要認真工作而唔係擺pose，麥明詩都有回覆：「人家早到半小時」，力證老公認真工作，亦表示擺pose影相唔會影響到工作表現。

Photo from 麥明詩小紅書

Photo from 麥明詩IG

其實之前麥明詩分享結婚相時已引起部分網民不滿，認為佢「洗版式」post相太煩，當時麥明詩都有表示：「Sorry真係唔想po咁多嘢阻住大家咁，只不過真係有唔少品牌同埋朋友要多謝番。」

Photo from 麥明詩小紅書

Photo from 麥明詩IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

麥明詩親解搞3日婚禮原因爆邀李龍基出席只為一個人告誡：勿盡信家人話冇乜所謂！

11 Apr 2024

麥明詩（Louisa）與盛勁為上月底結婚，一連搞足3場「勁甜麥」婚禮，場場話題度十足！而近日她就在社交平台分享搞婚禮心得和體驗，當中更自爆了邀請李龍基出席婚宴的原因！

Photo from 麥明詩IG

麥明詩昨日（10日）在IG上發文分享婚禮感受，她寫道：「唔少朋友都問我，哇搞三場婚禮，咪好辛苦！的確係，完事後直情要瞓足成個禮拜先recover到。其實唔係因為想搞到好「盛」大，而係源自於一個儘量make everyone happy嘅初心。由於我和盛生好怕衝突、唔開心，所以我哋好早就決定將婚禮分幾次搞，而每一場都有各自嘅主角。大大小小嘅選擇就因住主角嘅需求而決定。」

Photo from 麥明詩IG

麥明詩分享指第一場婚宴是以老爺奶奶（盛勁為父母）為主角，遵循圍村傳統，賓客主要都是老爺奶奶的親戚和朋友。而邀請李龍基做婚宴表演嘉賓，她就解釋是因為奶奶是李龍基的粉絲：「第一場盆菜宴，主角係老爺奶奶。我哋盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。」

Photo from 麥明詩IG

至於第二場婚宴則是一場較為正式的擺酒，以麥生麥太（麥明詩父母）為主角，所有的菜式、流程和程序都是按照他們的意見來安排，指：「第二場係正常擺酒，主角就係麥生麥太，菜式、流程、程序等都以佢哋嘅意見為首。圍數全部歸佢哋兩老，只受場地所限而唔使同對家協調，婚紗款色都迎合佢哋喜好。」

Photo from 麥明詩IG

而最後第三場婚宴，麥明詩就指是一場瘋狂party，完全按照一對新人自己的喜好來安排，她興奮說道：「至於第三場，就係更瘋狂嘅party，主角終於係我同盛生喇。因為之前已經take care咗雙方父母嘅要求，呢次我哋就可以盡情選擇自己鍾意嘅嘢 – 戶外草地、樂隊歌曲、西式食物、無限酒精…爸爸媽媽雖然唔識欣賞，但係都好盡力去嘗試投入。」

Photo from 麥明詩IG

對於這次分開3場婚禮的安排，麥明詩就直言幫他們成功避免了不少衝突：「男女家唔使爭圍數、長輩和後輩唔使爭論食物和形式係中式定西式；頭兩場我和盛生安分守己地做好兒子和女兒的本分，再於尾場玩得好盡興（盡興到啲相都唔出得街）。咁壞處就係… 真係好攰。」而在分享經驗同時，麥明詩就提醒大家千萬不要輕信家人對婚禮的隨意態度，表示：「每人屋企都唔一樣，家家有本難念的經，以上純粹share下我倆嘅經驗。總括來講，我爸爸媽媽、老爺奶奶也是非常隨和，我們非常幸運，而最後似乎各人都開心。不過同時都提醒一句，家人話『冇咩所謂，簡簡單單就OK』呢句說話…ummm…千祈唔好盡信呀！」