Gin Lee新歌推全民設計封面大賽得獎者零獎金獎品網友狠批：咁孤寒就唔好出歌啦！

By Macy Sun on 08 May 2024

歌手Gin Lee（李幸倪）自去年初轉投英皇唱片後便頻頻出歌，歌曲成績亦再次起飛！近日她就再宣布即將推出新歌《告別煤氣燈》，並同時舉行新歌Cover Art設計大賽，公開徵求歌迷幫手設計新歌封面。雖然勝出者作品可以成為正式封面，但比賽細則就未提任何報酬，疑似零獎金獎品，隨即引來不少網友砲轟！

Photo from Gin Lee Facebook

近日，Gin Lee在各大社交平台宣佈為新歌《告別煤氣燈》推出Cover art設計大賽，徵求一眾有創意以及才華的歌迷幫手設計新歌封面。她更提到：「被揀中嘅一位勝出者，就可以做正式封面，喺各大音樂平台同social media等等嘅地方見到自己嘅作品」

Photo from Gin Lee Facebook

而從Gin Lee上傳的海報中就能看到，比賽將由即日起至5月12日期間舉行，公開徵集題目為「告別煤氣燈」的設計。比賽資料中亦有透露歌曲主題為「衝破情緒勒索的障礙，擁抱自我價值，勇敢追夢」，呼籲參賽者需將設計上傳到指定連結，勝出者需同意投稿作宣傳及商業用途，而設計更需符合一定圖片格式（4000 x 4000 pixel，AI/ PSD），其中字及圖需要分開圖層。

Photo from Gin Lee Facebook

然而比賽細則中卻對勝出者的「酬勞」隻字未提，因此引起不少網友不滿，批評Gin Lee公司英皇的做法認為簡直是公關災難，「英皇真係極致，情況就好似上網見到有人搵免費婚禮攝影師一樣，又或者啲公司揾 KOL 出products 一樣，又要有要求，又要唔畀錢。仲要你畀埋個原始檔嗰度好嘢」、「對英皇真係無言，落番多少少預算比gin出歌都得掛，上次diff已經近乎零宣傳呀。爭氣啲啦公司」，更有人揶揄，指：「Cover就我畫錢就你袋」、「嘩，真係好大獎勵，有得做封面，雖然無錢；有得參賽，雖然無錢；有工開啦，雖然無錢！做藝人做得咁孤X寒，就唔好出歌啦！」、「好cheap喎，比賽要攞人哋原始檔？」

Photo from Gin Lee Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

聲夢傳奇2｜Gin Lee發火想辭職，直斥學員唔識珍惜：導師唔係保母

29 Aug 2022

《聲夢傳奇2》早前播出第10集，繼續紅藍隊大對決。不過紅隊就似乎喺排練期間因為團體精神而出現問題，令幾位導師都十分不滿，Gin Lee（李幸倪）更嬲爆話要辭職唔做導師。其實佢早前呻導師為學員付出咗好多時間同心機。

Photo from 《聲夢傳奇2》

《聲夢傳奇2》藍隊Timothy、Nicole被淘汰

《聲夢傳奇2》以新賽制比拼，紅隊同藍隊喺五個回合內對決，最終落敗嘅隊伍要淘汰2位學員。頭兩round紅隊都勝出，與藍隊嘅比分為31：19，領先對方不少。

Photo from 《聲夢傳奇2》

不過藍隊仍然未放棄，全隊人落力演出，不過最終仍然係紅隊以64比61分勝出。藍隊導師需相討選出被淘汰嘅2位學員，結果藍隊嘅Timothy（陳昊廷）以及Nicole（蕭呈謙）都被淘汰。

Photo from 《聲夢傳奇2》

紅隊團體合作不佳，導師不滿

雖然紅隊贏咗，但幾位導師都唔太滿意學員嘅表現。喺綵排最後Encore環節嘅時候，紅隊全隊上陣唱《We Will Rock You》、《We Are The Champions》，但就連隊員都覺得配合得唔好，原來年齡較細嘅女團XiX成員要考試，所以夾唔到，等佢哋考完試先再練，但就發現已經太遲。

Photo from 《聲夢傳奇2》

喺導師面前排練時表現亦十分唔理想，Eric Kwok（郭偉亮）直言仲有5日就要比賽，學員嘅表現好似「細路仔玩泥沙」，佢亦多次強調要有團隊精神，做好個show。

Photo from 《聲夢傳奇2》

Gin Lee發火爆想辭職

其實紅隊喺後面兩輪都係輸畀藍隊，但靠前面3round嘅勝利，仍然勝出呢場對決，因此即使紅隊勝出，導師都搵咗紅隊學員嘅不足之處，Eric Kwok指佢哋唔及藍隊內地嗰團火，只得表面，但就欠缺咗內在嘅嘢。而Gin Lee更發火大鬧，指學員喺出賽對自己無自信，不停打沉自己：「呢個態度絕對唔要得，我嬲到唔想再做你哋導師，講真，我想辭職！」

Photo from 《聲夢傳奇2》

斥學員唔識珍惜

幾位導師為咗排學員都付出咗好多，每次錄影完導師仍然為學員們下一round嘅選曲討論到凌晨4點幾，甚至更要押後自己嘅工作，Gin Lee坦言試過被學員激到發脾氣，陪學員採排到凌晨1點但佢哋仍表示好無信心，Gin Lee即直斥：「導師唔係保母！你哋唔珍惜，我就唔做導師喇！」佢表示之後學員態度有改變，但就指下次再收到做導師邀請，佢要慎重考慮。