download HolidaySmart 假期日常 app
超浪漫啊!帶另一半必睇藍眼淚~日本同台灣依加就可以睇到!

超浪漫啊!帶另一半必睇藍眼淚~日本同台灣依加就可以睇到!

台灣旅遊
By 123testing on 11 Jul 2017

去台灣馬祖同日本大阪,一定唔可以錯過藍眼淚!睇藍眼淚除咗要睇季節、風向之外,就好似睇極光一樣,要靠一定嘅彩數。

四月中春夏交替之時,直到七、八月,馬祖海濱都有機會睇到「藍眼淚」同「星沙」。海上會不斷出現螢光色嘅藍點,好似銀河星空,親眼見到會超震撼!
instagramPhoto from instagram

除咗藍眼淚,係馬祖嘅沙灘上都可以踩出「藍腳印」,俗稱為「星沙」嘅介形蟲!介形蟲係沙灘上或海裡被踩到,會因為驚嚇而發出藍色嘅光芒,顏色同「藍眼淚」相近,真係好神奇啊!
instagramPhoto from instagram

有人指藍眼淚其實係大量「渦鞭毛藻」造成赤潮 (red tides) 嘅現象;亦都有人話係因為海底「夜光藻」發光形成。不過無論係邊一種成因,想睇到「藍眼淚」,不只季節、風向同地點都要撞到正,仲需要好運氣!
instagramPhoto from instagram

最近係日本大阪天滿橋都可以見到呢個奇景!好多人都去捕捉藍眼淚嘅最靚一刻!而如果真係見到嘅話~真係好好彩!
instagramPhoto from instagram

不過想要抓住藍眼淚美麗嘅瞬間,建議唔好係月圓時間去。因為月光嘅亮度太光,睇到藍眼淚嘅機率就會減低。要到黑暗嘅地方,先可能欣賞到藍眼淚。乾潮同滿潮之間,經由潮汐嘅擾動,夜光藻先會出現光芒形成藍眼淚。
instagramPhoto from instagram

所以小編建議出發前,可以上氣象局觀睇滿潮同乾潮嘅時間,咁先可以一睹藍眼淚嘅真身!
instagramPhoto from instagram

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)
*本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel