期間限定版雷神好吸引啊～日本3款人氣夏天零食！連台灣便利店都可以買到～

去日本要瘋狂買零食是常識吧？不過今次介紹嘅零食除咗係日本可以買到之外，連台灣7-ELEVEN都有得買！平時星期五會選擇飛去台灣過weekend嘅人記住要去食啊～

1. 期間限定版雷神

雷神有幾好食相信試過嘅人都一定感受到～咬落去卜卜脆、甜得嚟又唔膩，真係會忍唔住一件又一件咁食！而今個夏天推出嘅期間限定口味竟然係哈密瓜！

Photo from ガジェット通信

哈密瓜朱古力包住雷神，味道好似即刻昇華咗～而且入面仲隱藏咗北海道哈密瓜果汁凍，真心超級驚喜啊！

Photo from ガジェット通信

2. 夕張哈密瓜軟雪糕

再來一客哈密瓜口味嘅甜品～雪糕選用咗日本北海道特產夕張哈密瓜製作，加上十勝牛奶，雪糕味道真係超級濃郁！

Photo from 7-ELEVEN Taiwan

除咗味道好食之外，佢嘅淡橙色外型都好治癒，令人好想一啖咬落去！點解你要係夏天期間限定啊～～

3. 芒果口味軟糖

一見到芒果，就會覺得夏天真係到喇～對於軟糖控同芒果控嚟講，依2種結合真係令人抵擋唔住啊！

Photo from グミブログ

軟糖都可以充滿果香味，日本人真心好厲害啊～而且入面竟然內藏果肉，真係要瘋狂食先得！

Photo from グミブログ

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）