無印粉去朝聖喇～東京旗艦店開設無印蔬果市場！仲有無印良品小屋實物模型啊～

MUJI 無印良品真係愈嚟愈有創意！繼早前宣佈會係日本開設無印酒店，無印又再搞搞新意思，竟然係東京有樂町旗艦店開設全世界第一個無印蔬果市場！

Photo from MUJI 無印良品

蔬果市場以雜貨店形式販賣蔬菜同水果，所有產物都係產地直銷，而且以無添加化學合成農藥及化學肥料、減低農藥量嘅蔬菜為主。

Photo from MUJI 無印良品

雖然種類唔多，但都係以當季商品為中心，甚至有東京傳統蔬菜等稀少嘅蔬菜種類。另外仲有適合蔬菜嘅調味料，以蔬菜為原料嘅點心等約300種精挑細選嘅雜貨～各項商品更加會係旁邊標示生產者嘅想法同符合季節時宜嘅食用方式。

Photo from MUJI 無印良品

Photo from MUJI 無印良品

無印認為「食」係每個人生命嘅基本需求，但好多都市人對田地、農場、漁場等都感到非常陌生。所以無印決定以此為出發點，設立蔬果賣場。比大家透過觀看同挑選食物嘅生產現場，從而重新反思人類同食物嘅關係。

Photo from MUJI 無印良品

Photo from MUJI 無印良品

而無印良品有樂町1樓會擴建以及重新開幕，設置無印良品小屋實物模型。而且仲有無印良專屬室內裝潢諮詢員負責回答顧客對於小屋嘅各種疑問～

Photo from MUJI 無印良品

2樓會有廣受好評嘅Café&Meal MUJI，大家可以買到啱啱出爐嘅麵包、咖啡，以及由今次開始販售嘅手工蔬菜湯～將會於1樓進行外帶販售。

Photo from MUJI 無印良品

快啲去朝聖喇大家！

店舖資料
MUJI 無印良品（東京有樂町旗艦店）
地址：東京都千代田區丸之內3-8-3 Infos有楽町1〜3F
營業時間：10:00am - 9:00pm

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）