尖沙咀高質酒店～期間限定星洲美食同馬來西亞新鮮榴槤！色香味俱全啊～

薈萃多元種族文化嘅新加坡，一向都是愛食之人嘅熱門旅遊勝地！鍾意食星洲美食同馬來西亞榴槤嘅朋友，呢次唔洗飛新加坡啦～提倡高質食物嘅唯港薈，The Market係9月11日至24日，將會舉辦以新加坡美食為主題嘅自助餐！仲唔快D拎電話book定位？

A post shared by Hotel ICON (@hoteliconhk) on Jul 16, 2017 at 6:54am PDT

唯港薈The Market 新任環亞美食主廚 - 李淑光師傅專誠係新加坡搜羅新鮮食材同香料，為自助餐增設多項色香味俱全嘅環亞美食～食客可以係自助午餐同埋晚餐時段，品嚐正宗嘅星洲滋味。今次小編搶先為大家介紹必食美食！！！

1.椰汁喇沙
椰汁味真係好重，鍾意喇沙嘅朋友就唔好錯過呢道菜啦！

Photo from Presslogic

2.福建蝦湯麵

Photo from Presslogic

3.星洲白胡椒肉骨茶
同小編係馬來西亞食嘅肉骨茶有好大分別，星洲白胡椒肉骨茶一D藥材味都冇，反而胡椒味好重好香～而且舊肉入口即溶，係主菜嚟之前飲碗胡椒肉骨茶～個胃真係即刻好滿足！

Photo from Presslogic

4.麥皮炸鮮蝦
口感好特別～外層麥皮炸得好香脆～成隻大蝦滿足晒你口腔！
5.星洲魚頭咖喱
大大舊嘅魚肉，加上星洲辣椒醬其實好香口！食落口個時真係啖啖都係肉～

Photo from Presslogic

6.炭燒魔鬼魚

Photo from Presslogic

而眾所週知，Hotel Icon 最出名就係榴槤甜品～次次去到The Market，就算你唔係一個榴槤愛好者，你係The Market都會因為榴槤甜品而愛上榴槤！而係呢個Promotion 期間，全新嘅榴槤甜品同新鮮榴槤，都一定會令係齒頰留香同難忘！

Photo from Presslogic

1.斑蘭榴槤千層
唔係誇張！真係好好味～每一啖感覺上都好似食緊好多榴槤咁～最可愛係上面個塊白朱古力，寫住Durian Prince，真係好可愛～未食之前一定係影相打卡先！呢個絕對係小編嘅最愛～
2.檳城白咖啡榴槤卷
外層嘅咖啡粒粒好濃味～如果唔抗拒咖啡味嘅，呢個白咖啡榴槤卷都係一個唔錯嘅選擇！

A post shared by Hotel ICON (@hoteliconhk) on Jul 1, 2017 at 3:21am PDT

3.D24閃電泡芙
4.榴槤焦糖布甸
係咪冇諗過榴槤都可以做布甸？冇斑蘭榴槤千層咁濃榴槤味～而係淡淡嘅榴槤香。
5.榴槤炸彈
口感好煙韌～諗唔到脆卜卜嘅表皮內包住軟綿綿嘅榴槤蓉～

A post shared by Hotel ICON (@hoteliconhk) on Jul 20, 2017 at 6:09am PDT

Hotel Icon,The Market係小編難得推薦嘅高質食Buffet酒店！呢次星洲美食同馬來西亞榴槤只係Promote兩個星期！所以大家要把握機會、提前訂位啦～

Photo from Presslogic

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）