鍾意音樂嘅朋友有福啦！第31屆澳門國際音樂節綻放矚目光芒～樂壇國際新星全匯聚！

鍾意音樂嘅朋友有福啦！因為由澳門文化局主辦嘅第31屆澳門國際音樂節，將會係9月29日至10月30日盛大舉行！仲等？近近地快D同好朋友一齊過澳門參與呢個盛事啦！

今屆音樂節以“新銳之力‧矚目光芒”為主題，由來自意大利、韓國、內地、香港、澳門等多個國家同地區嘅頂尖音樂家及樂團，帶嚟、內地、香港、澳門等多個國家同地區嘅頂尖音樂家及樂團，帶嚟17項、共20場嘅精彩音樂會，更有19項延伸活動，包括講座、演前導賞、工作坊同社區系列等等，擴闊樂迷視野。活動真係多到數唔晒！就等我哋一齊感受澳門嘅活力同嶄新嘅演奏力量啦！

國際樂壇新星匯聚
今屆音樂節邀請多位國際樂壇新星匯集係呢個大舞台！例如曾獲多項國際榮譽嘅韓國新生代室內樂團Novus弦樂四重奏，將會帶來多首巨匠之作。而獲國際殊榮嘅鋼琴新星Lukas Geniušas，亦會帶來大師級作品，展現對唔同曲風嘅駕馭能力⋯⋯嘩！現場真係星光熠熠～

名家經典絡繹不絕

日本旅德作曲家、顫音琴演奏家el fog（藤田正嘉）將透過創新嘅演奏方式，喚起大家對自然萬物嘅豐富聯想！

中港台最為人熟悉嘅情歌王子，香港歌手蘇永康，亦會跨界同澳門中樂團合作，帶來流行曲經典，等觀眾沉浸係感動嘅氛圍。相信好多人都會好期待，可以一睹將情歌唱到透徹心扉嘅蘇永康！

著名指揮大師帕禾‧耶維將帶領蜚聲國際樂壇嘅德國布萊梅德意志室內愛樂，帶嚟一場蕩氣迴腸嘅貝多芬盛宴！到時仲有葡萄牙嘅吉馬良斯弦樂四重奏，帶領我地遊走古典、浪漫同20世紀嘅音樂世界，以及由以色列青年藝術家帶來獨具創意、演繹新穎嘅戶外三幕歌劇《奧菲歐與尤麗迪西》。咁多個國家嘅大音樂家匯聚係係澳門～令澳門化身成一個‘小小維也納’。

歌劇《安德烈‧謝尼爾》隆重揭幕
適逢作曲家翁貝托．佐丹奴誕辰一百五十周年，意大利都靈皇家歌劇院製作其代表作四幕歌劇《安德烈‧謝尼爾》作為音樂節開幕鉅獻，為觀眾呈獻最真實嘅生命之美！而維也納愛樂樂團亦會壓軸坐鎮，詮釋多首經典鉅著，大家唔洗飛維也納，都可感受到正統嘅德奧風韻同細膩美妙嘅維也納音色！

而廣受歡迎嘅後台探索活動，今年亦會繼續舉行，令大家可以一睹歌劇《安德烈‧謝尼爾》精彩嘅佈景、道具及服裝等。無論你鍾意幕前定幕後，《安德烈‧謝尼爾》都必能滿足你。

各場門票現正於澳門售票網公開發售，大家記得唔同信用卡會有唔同優惠！可於辦公時間致電8399 6699查詢；或直接24小時訂票熱線澳門2855 5555；香港2380 5083；內地13926911111。

除咗音樂會，多場社區系列活動，包括特邀香港“本地薑音樂節”創辦人黃家正、台灣“Street Voice音樂頻道”總監小樹等等，將各自分享古典音樂推廣、數位音樂串流同電影音樂嘅創作故事。節目真係多姿多彩～無論係對幕前或者幕後帶興趣嘅人，都好適合呢個活動啊！

各項延伸活動現已接受報名啦～，而且大部份活動都係免費架，名額有限。即去報名啦！

大家9月去澳門，去睇場音樂會都係一個唔錯嘅選擇！而如想知更多節目同優惠詳情，可瀏覽音樂節網頁。

Text: Holiday editorial

photo source: 澳門特別行政區政府文化局
presented by： 澳門特別行政區政府旅遊局

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載