現有嘅湯底已經唔足以滿足日本人對拉麵嘅慾望～東京推出最新湖水藍湯底拉麵！

By 123testing on 23 Oct 2017

拉麵真係愈黎愈流行啊，慢慢除左豬骨湯底、醬油湯底等等，亦都開始推出好多唔同嘅口味去形合唔同客人！小編自己就試過綠色嘅菠菜、芫茜湯底；黑色嘅墨魚汁湯底，仲有紅噹噹嘅地獄辣汁湯底～

但以上嘅湯底已經唔夠去滿足日本人嘅慾望，唔知你又知唔知日本有間拉麵店推出左個傳說般嘅湖水藍清湯呢？

A post shared by n50cc◢͟￨⁴⁶ (@n50cc) on Oct 16, 2017 at 10:09pm PDT

比你地望下個樣，真係好古怪～你又估唔估到係咩味呢？小編自問望住張相，只係諗到薄荷，又或者係藥水味～
唔係唔係，其實佢係一個白清雞湯黎嫁～係咪真係諗都無諗過呢？Photo from Kipposhi Official Twitter

呢個藍色拉麵係由呢間叫做拉麵吉法師嘅舖頭首創嫁～
Photo from Kipposhi Official Twitter

但究竟個藍色係點黎嫁呢？唔係人工添加色素黎嫁，原來係來自一種自然嘅色素叫做藻藍素，係由螺旋藻度提煉出黎嘅，原來仲係有保健功效！除左可以抗氧化，仲有鎮痛同抗炎嘅功效～利用左一種叫「掃湯法」黎去煮熬個湯底，不停要將浮面嘅油份、雜質等等過濾走，所以先可以整到呢個清徹見底嘅湯底。
Photo from Kipposhi Official Twitter

湯底絕對唔重口味，係清清嘅雞白湯，相對濃厚豚骨湯係一個比較輕盈健康嘅選擇黎嫁～雖然湯底比較清，但雞肉味好濃郁嫁，將雞嘅所有精華都凝聚左係湯入面～上面再配上幾塊白雞肉叉燒同埋用左鹽去醃製嘅半熟玉子～雞肉係雞胸肉做成，所以真係好健康！全部都係行白色系嘅，會唔會太靚啊！
Photo from Kipposhi Official Twitter

據可靠情報話拉麵係用左幼麵，而每條都吸收哂雞湯嘅精華～所以麵條食食下會發現顏色愈黎愈藍，食落彈牙都真係唔錯！

A post shared by minoru.matsushima (@minoru.matsushima) on Jun 29, 2017 at 1:06am PDT

如果想食番比較濃味同「正常」嘅，亦都有呈黃色嘅濃厚雞湯同其他雞湯選擇，例如醬油、味噌等等～想中華風少少，連雞湯底嘅擔擔麵都有嫁～
Photo from Kipposhi Official Twitter

記住呢個藍色湯底真係好快就會買光光，所以想去嘅朋友記住早啲去試下喇！

呢間拉麵店仲有好多期間限定嘅新搞作，之前就係白色情人節推出左個白朱古力拉麵！小編都不禁想唱番句：創作力量同幻想會嚇你一跳～
Photo from Kipposhi Official Twitter

地點其實好近東京名物SkyTree，係個度行過去都係10分鐘內嘅路程，去東京嘅朋友真係可以一戰啊～

Kipposhi 拉麺吉法師
地址：東京都墨田区吾妻橋3-1-17 吾妻橋ハイム101 （本所吾妻橋車站A0或A2出口途步行約1分鐘）
營業時間：逢星期三休店 11:30～15:00 17:00～22:00