小編包無伏嚴選四間葵廣必掃熱店～係性價比至高之選啊！跟住小編食就對了～～

By 123testing on 14 Nov 2017

一講起葵廣就會諗到掃街、掃街同掃街～但其實咁多選擇，實有好多伏之選～為免中伏，等小編為你去搜羅性價比最最最最最最高嘅四間！有野食又有野飲～腦都唔洗帶，跟住我食就岩喇！！

由最高層三樓開始掃起有個叫Top世界嘅area，淨係呢度都已經有多過10間食店了～而入面有兩間真係精英中嘅精英黎嘅～

友好嘢食 - 咖哩小食
Photo from Presslogic

本身唔係特別愛好咖哩嘅小編都一試愛上～想食咖哩有三部曲嫁！首先有成4款咖哩可以比你揀，包括泰式紅咖哩、泰式青咖哩、印度咖哩同唔辣嘅港式咖哩～之後可以揀主食，有香草焗雞脾肉、香煎牛柳肉粒、泰式豬頸肉同黑椒煙鴨胸～小食就可以揀香蔥薄餅、黃金芝士棒、香草飯糰同蒜蓉包～Photo from Presslogic

泰式青咖哩＋泰式豬頸肉＋香蔥薄餅
薄餅香脆唔油身～咖哩超大一碗，啲薄餅絕對唔夠點哂黎食～入面嘅豬頸肉好肥美，輕輕燒香左表面，格外滋味！青咖哩都唔算辣，好鍾意入面會有青檸嘅香味，食落會有清新感，配豬頸肉岩岩好可以平衝左個油膩感！Photo from Presslogic

印度咖哩＋香煎牛柳肉粒＋黃金芝士棒
黃金芝士棒係酥皮芝士條～出面一層烘到金黃色，如果入面可以再多啲芝士就好了！呢個印度咖哩真係辣勁十足，嗜辣嘅朋友一定要食！辣得黎又會不停追個辣味，好正呢～Photo from Presslogic

泰式紅咖哩＋香草焗雞脾肉 - 麵包杯
老闆話係人氣之選啊！麵包杯完全唔乾身，比啲咖哩浸到淋左，充份咁吸收哂個咖哩！真係超好味～呢一隻咖哩唔太辣帶椰香，而入面嘅雞脾肉真係啖啖肉，挖下挖下仲會有粒粒薯仔～真係超好味！Photo from Presslogic

友好嘢食
地址：葵芳葵富路7號葵涌廣場3樓Top世界T23-T25號舖
電話：65354429
營業時間：星期一至日 12:00-21:30

Chok雞 - 至潮shake shake雞食法
Photo from Presslogic

新開同時實力非常超班～佢地提供6款自家製chok chok粉，比你任加任chok！大推佢即炸皮脆肉嫩炸雞，同埋啲自家粉真係要講句fingers licking good！6款chok chok粉包括：避風塘蒜香、特級香辣、印度咖哩、香濃芝士、奶油洋蔥同英式芥末！而最佳formula小編都幫大家調查好了，你給我聽好！3匙避風塘蒜香、3匙忌廉芝士、再加2匙英式芥末，兩個字，無敵！Photo from PresslogicPhoto from Presslogic

A餐（4隻雞翼、2隻雞鎚、2隻雞翼尖、2件雞件）
必食推介啊～岩哂選擇困難症重型患者！可以試哂咁多款雞！小編最愛佢嘅雞鎚同雞塊～真係超級juicy啊！好想知點解可以炸到個炸粉完全唔厚，食落係超脆嘅狀態！而入面咬開熱辣辣超juicy肉質超嫩滑～Photo from PresslogicPhoto from Presslogic