青島絕美海景度假地～仲係內地最大無邊際泳池！超正啊！

青島小編就去過幾次～個度真係好靚好舒服，好適合帶屋企人一齊嚟度假！

今日小編想為大家介紹青海一個大型度假區，景色絕對唔會輸日本泰國嘅度假區，而且唔少大牌明星都曾經入住過，例如劉德華就曾經帶同佢嘅團隊住過一段時間，呢度點解咁吸引？除咗因為無敵海景之外，仲可以遠離煩囂，食物嘅質素都唔錯，呢度餐廳嘅廚師大部分都係台灣人。台灣出名多美食，所以嚟呢度可以身心放鬆之餘，仲可以品嚐到美味嘅食物～

Photo from 涵碧半島官網

呢個度假區最大嘅賣點就係絕美海景，背靠鳳凰山，三面環海，可以好好享受陽光、海灘、大海，即刻忘記係城市嘅壓力！

Photo from 涵碧半島官網

另外，呢度有全中國最大嘅無邊際戶外泳池，270度海景，長有成60米！令你感覺自己係大海上面游水，景觀一流呀～

Photo from 涵碧半島官網

對住個海嘅位置，仲有唔少小帳篷，令你可以好舒服咁對住個海休息、曬太陽，嘆世界就係咁樣啦！

Photo from 涵碧半島官網

咁靚嘅海景唔好浪費，呢度都係一個證婚地，係度結婚就真係山盟海誓呀！

Photo from 涵碧半島官網

酒店嘅係全透光設計，成日都可以感受到陽光，而且大部分地方都見到個海，例如大堂check in位，都可以透過落地玻璃，見到陽光與海灘。

Photo from 涵碧半島官網

Photo from 涵碧半島官網

要好好咁享受，當然唔少得做spa、浸溫泉啦，呢度嘅溫泉水係來自1500米深嘅深海，有按摩池、熱湯池、室外池等等，又係可以對住個海浸，黃昏時候仲可以望著個日落，視覺同身體都係一種享受。

Photo from 涵碧半島官網

Photo from 涵碧半島官網

香港人食慣各地美食，呢度都有法式、日式同埋中式嘅美食，青海嘅海洋資源好豐富，所以來呢度一定要品嘗下地道海鮮！

法國餐廳 香煎鴨胸

Photo from 涵碧半島官網

日本餐廳 鰻魚飯套餐
用本地嘅新鮮海鰻，而且師傅會自己劏鰻魚，所以細骨會處理得好乾淨，醬汁都係自己熬製，充滿心思呀，成個set好豐富～

Photo from 涵碧半島官網

中餐廳 冰冰杏仁奶凍
講到中餐，不得不提呢個奶凍，因為連范冰冰食過都大讚，佢話呢個奶凍系佢全世界食過最好味嘅奶凍，用新鮮牛奶製成，仲加入左杏仁奶，食落十分有層次感，首先品嘗到奶嘅香滑，然後杏仁嘅香味就會慢慢滲出來，絕對係女士們最愛。

Photo from 涵碧半島官網

酒店一晚嘅價錢旺季（5月至10月底）係人民幣3450，淡季用優惠網訂大概係人民幣2000-2200 ，價錢唔算平，但係呢度嘅景觀可以話係值回票價，適合度假放鬆下心情，遠離都市壓力，享受大自然，亦都好適合打卡影相，甚至影婚紗相，大家可以係上佢哋官網睇下有咩package啦！

下次小編去青島，都會考慮嚟呢度試下！

涵碧半島 涵碧樓 the lalu hotel
地址：山東青島九龍山路277號
電話：+86 532 83166666
電郵：service.qd@thelalu.com
訂房

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載