講自己嘅真實性格好多時候會加咗主觀情感，做個測驗睇下準唔準

By 123testing on 12 Jan 2018

想了解自己多D，睇一個字都得？
係呀～試下睇呢張圖，第一刻你會諗聯想到咩字，就知道你真實性格！

1.愛你

Photo from Pinterest

人哋眼中嘅你面對困難好有幹勁，唔容易認輸，性格都好爽直，不過有時候會畀人獨來獨往嘅印象。實際上，你係有D懶，鍾意用聰明嘅方法做事，但又希望將所有嘢到最好，係一位完美主義者。而且你愛恨分明，唔鍾意嘅人你完全當對方透明，喺未信一個人之前會保持距離！

Photo from Pinterest

2.受傷

Photo from Pinterest

人哋眼中你係一個好有領導能力嘅人，大家都好信任你，但你自我保護意識好強，唔會輕易透露自己嘅嘢畀其他人知。實際上你好似好多嘢都無所謂，其實內心好着緊，遇到自己覺得好重要嘅事就會比較固執，雖然脾氣唔太好，但為咗大局會經常忍讓。面對感情嘅時候，就算外表睇落幾咁活潑大方，其實你好缺乏安全感。

Photo from Pinterest

3.愛作（呢個應該比較少人諗到）

Photo from Pinterest

其他人眼中，形容你嘅詞語係「死撐」，好多時候遇到委屈嘢自己會盡量隱藏，但其他人一早都睇得出，其他人拜託你，你絕對唔會say no，所以大家都覺得你好可靠。實際上你都偏向將自己最真實嘅一面收收埋埋，唔熟都未必留意到你嘅優點。自尊心強嘅你唔想麻煩人所有嘢都一腳踢，但有時候因為唔想畀人睇唔起，就算搞唔掂都唔會求人，到頭來苦了自己呀。