高CP$58任食安格斯肉眼扒～放題都只係$58～特飲好正！啤酒買1送1！

小編係荔枝角返工，閒閒地一個lunch都要$50-$60 。呢間位於黃大仙嘅Café， $58任食安格斯肉眼扒，全部即叫即煎，大塊、肉質juicy，CP值極高～一定要係限定時間同朋友一齊嚟食啊！

美國安格斯肉眼扒
主打美國安格斯肉眼扒，全部即叫即煎。雖然係任食，但質素唔算低，勁大塊肉眼扒，最重要係肉質Juicy，男仔保持估計都可以食到6-7塊！
Photo from PressLogic

Mini漢堡
美國菜點少得食漢堡？細細個就唔會阻住你食安格斯肉眼扒嘅胃。有3個口味任你揀～牛、豬、魚。
Photo from PressLogic

小食
小食一樣好味～不過全部都係炸物。雞翼、洋蔥圈、炸蝦、炸薯條。小編大推炸薯條，粗薯條炸到脆卜卜熱辣辣，同快餐店嘅薯條有好大分別！
Photo from PressLogic

甜品
帶女朋友嚟食放題，點少得食甜品？小編大大大大大推鮮雜果熱香餅，一口蜜糖一口Pancake，真係好好味～仲有好多其他甜品一樣唔好錯過～
Photo from PressLogic

每個人食咁多野都只係$58 。大方少少，加多$ 18 可以揀4款特色野飲！小編大愛香甜紫薯奶昔～顏色真係好少女，好甜又帶陣陣紫薯香，唔好錯過！
Photo from PressLogic

嚟緊星期六日，可以考慮同朋友一齊嚟！不過小編提提大家，咁平嘅放題，星期六日都會多人少少～所以要預番時間排隊啦～

推出日期：

星期一 至 日都有

注: 設有加一服務費

只接受Walk in客

餐廳：Olive Café (黃大仙店- Olive ERA)

地址：黃大仙睦鄰街8號現崇山商場地下G1-G2號舗

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載