內地選秀節目《創造101》即將開播！香港歌手上去挑戰韓國女團成員！

唔少香港歌手都中意北上發展掘金或者掘人氣～
好像GEM、陳偉霆等等一上大陸即刻人氣大爆發！
黎緊萬眾期待，向韓國買左版權嘅內地選秀節目《創造101》，
就可以見到已經係香港出左道嘅女歌手！

中國正式向韓國《Produce101》購買版權嘅節目，真係落重本！
之前其實已經有唔少國內節目涉嫌抄襲《Produce101》，所以好期待今次嘅「正式版」到底可唔可以突破其他節目呢？
今次導師陣容都好強勁！主持人有前韓國男團EXO成員「黃子韜」～

今次香港亦都有一位代表，而且已經出左道五年！
佢就係英皇歌手，有「小背心」之稱嘅許靖韻。

2010年參加英皇新秀歌唱大賽進入三強，13年出道嘅佢，
已經出過幾隻唱片，可惜成績都係麻麻！
後來佢係網上蒙面唱歌，Cover人地嘅歌曲而打出名堂！

今次佢參加《創造101》，大家都寄予厚望呀！
因為今次佢要面對嘅強敵都幾多！
包括係韓國已經出左道嘅女團成員「宣儀同美岐」，
仲有被譬為內地最醜女團「Sunshine」都有三位成員參加！

始終係女團選拔賽，除左唱歌之外仲要跳舞！
希望許靖韻可以為港爭光。

黎緊4月21日就會播出第一集，根據韓版嘅玩法，
第一集會比參賽者表演，然後導師會根據表現分A至F級！
而101位練習生就要爭取11個出道名額～
小背心，加油呀～～

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載