未必估到劇情發展!《鳥獸行》靚仔賤男往往讓人死心塌地  故事令你想知渣男賤女會有咩下場

未必估到劇情發展!《鳥獸行》靚仔賤男往往讓人死心塌地 故事令你想知渣男賤女會有咩下場

Hong Kong 香港食玩 · Life 本地生活 · Movie 電影
By PressLogic on 16 May 2018

單睇《鳥獸行》會以為係好簡單嘅渣男賤女雙重偷食故事,但其實並非咁簡單,仲可以話係套懸疑片。而呢套戲女主角係形象清純、好有氣質嘅蒼井優演蕩女,剩係呢到已經幾有睇頭!

edkofilms
Photo from edkofilms


故事嘅開頭已經好似係到講緊「你的樣子如何,你的命運也必如何」,陣治(阿部貞夫飾)對關係複雜嘅十和子(蒼井優飾)死心塌地,甚至唔駛佢做嘢,包食包住,仲會畀唔少錢佢用﹐但十和子對佢都係呼呼喝喝。

edkofilms
Photo from edkofilms

因為就算陣治對佢幾好都好,喺十和子眼中佢都係不修邊幅、核突、點都唔會鍾意嘅男人,而觀眾望住陣治嘅行為,都會認同好難對佢呢個人有好感,同時會諗起「Your Face Your Fate」。

edkofilms
Photo from edkofilms

而十和子一直都掛住型仔前度黑崎(竹野內豐飾),就算之前呢個前任用暴力對待過佢都好,佢都係難以忘記,係咁睇返以前同佢嘅錄影回味過去。

edkofilms
Photo from edkofilms

不過之後佢遇到靚仔人夫水島(松坂桃李飾),又春心蕩漾,仲同佢雙重出軌。

edkofilms
Photo from edkofilms

睇到呢到就會覺得十和子好犯賤咁,明明有陣治對佢咁好,唔駛佢做嘢,佢就唔好好珍惜人地;但對佢好差、好明顯係賤到不能再賤嘅賤男前度、渣男水島,就可以得到佢芳心。

edkofilms
Photo from edkofilms

呢個時候就開始由暗黑出軌電影變成懸疑片。到底點解黑崎會無啦啦失蹤?同埋陣治好似對十和子痴心近似變態咁……
OK_kei_DSC5991

《鳥獸行》可以話係靠所有主要演員同故事結尾支撐晒嘅暗黑系電影。

電影入面好多個演員都會令你扭轉本來對佢地固有嘅印象,好似蒼井優做開脫俗純情角色,好似《蜂蜜幸運草》花本育、《花與愛麗絲》有棲川徹子等,但今次就做蕩女,仲做得幾入格,對佢真係會變成零好感。

edkofilms
Photo from edkofilms

阿部貞夫就做到就算明知佢好可憐都好,見住佢一路食飯,一路捽腳趾,心情都幾複雜。唔係好想認同十和子嘅想法,但又明明地咁,好矛盾嘅感覺。

edkofilms
Photo from edkofilms

竹野內豐演嘅都係萬人迷、浪子,但好少會見佢演打女人、利用女人到一個極致嘅人渣。當佢打十和子打到好狠,先發現原來佢做呢種角色都幾精湛。

edkofilms
Photo from edkofilms

OK_DSC4706_ret

松坂桃李都係演同平日好唔同嘅角色,睇落文質彬彬,點知……係個斯文敗類,講幾多幾甜蜜嘅說話都好,原來當中包住嘅係幾咁噁心嘅真實。

應驗埋黑崎同十和子所講,會包禮物嘅男人信唔過,同埋一知道佢畀十和子嘅禮物真實價值,會有少少想笑嘅一種黑色幽默。

edkofilms
Photo from edkofilms

兩個角色同樣會令你一路睇,一路鬧「正一賤男」,但又好難去同情十和子。OK_kei_DSC6441

到電影最後嘅半個鐘,可能會令你估唔到個發展,同埋發現原來之前收埋咗唔少伏線,甚至可能令你會有少少眼濕濕。明明知道對方無可能會愛上自己,仍然甘願付出到難以理解嘅地步,犧牲極都唔會令到佢回頭望一眼嘅可悲。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)
*本文章的圖片均經其本人或其公司授權,其他媒體不得轉載


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook