緣份扭蛋機旺角現場開抽！$20扭出男/女朋友～脫單機會嚟啦？

香港都有緣份扭蛋機，單身人士有機會啦～最新消息：佢地星期日會喺旺角有現場配對活動啊～

聽就聽得多台灣嘅緣份扭蛋機～而《Do姐有問題2》都介紹過！其實今年2月14號情人節當日開始，香港都有啦！一個年青嘅90後爬蟲店老闆把握到呢個商機就推出左呢個緣份扭蛋機～嚟近5月27號仲會係旺角搞個現場版！年青人創業真係值得我地支持！

係爬蟲店嘅門口有兩部扭蛋機，一部扭女朋友一部扭男朋友～輕鬆一扭，入面會有張紙仔～只係知道對方嘅姓名、性別、身高、體重、年齡、興趣、微信號、LINE ID，緣份到了～自己決定聯唔聯絡對方～

都市人每日營營役役，生活節奏咁急速真係無咩時間識男／女仔！呢個緣份扭蛋機嘅出現或許真係可以打救下單身狗們～

扭蛋機有分扭蛋登記者同者扭蛋玩家～想做扭蛋登記者可以係佢地嘅Facebook專頁(文末有連結)直接註冊就得！而扭蛋玩家就去佢地係石硤尾偉智里嘅扭蛋機用$20就可以扭到一個認識新朋友嘅機會～最近仲計劃推出同性彩虹版！

嚟近5月27號佢地會係旺角行人專用區度搞個現場版，到時會有busking～聽下歌仔識下朋友仔應該會幾好玩～聽講有youtuber都會到場一齊扭蛋添！呢家已經開放大家登記啦，當日去番旺角睇下有無俾人扭中啦～

Event Plus 緣份扭蛋機
活動日期: 27/05/2018(星期日)
時間：下午1點至7點
地點: 旺角行人專用區兆萬門口對面

活動詳情：https://www.facebook.com/eventplushk/

去唔到旺角嘅活動又有興趣的話，可以去番佢地24小時緣份扭蛋機度～

BT Reptile
地址：石硤尾偉智里2號金玉商場208地鋪（石硤尾地鐵站C出口落方向行約5分鐘）

緣份扭蛋機Facebook專頁：https://www.facebook.com/fatecapsule/

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載