關西機場出市區交通懶人包！揀啱交通再睇優惠 一次過慳錢又慳時間！

其實從關西機場到大阪市區的交通算方便，方法都有好多，少到大阪旅行嘅朋友未必知道﹐邊種交通工具去到目的地會比較方便，分分鐘貪快揀咗特急之後，先發現可能其他交通仲好。

目的地：天王寺、新大阪、京都、奈良、神户一帶
如果住宿或想從關西機場到上述地方，大家可選擇「HARUKA 關西特急」，這是由JR西日本推出的高速特快車。由於整條線路只有4個站，包括關西機場、天王寺、新大阪及京都，所以唔會受站站停到兜大圈影響而變得超費時。

Photo from Photo from JR-WEST

「HARUKA 關西特急」最快只而要30分鐘就可以從關西到天王寺站，所以真係超快同方便！而到達新大阪只需要50分鐘，75分鐘已經可以到京都。所以想快同方便地從關西機場到達以上地方，「HARUKA 關西特急」一定係首選！

「HARUKA 關西特急」優惠：「ICOCA＆HARUKA」

Photo from Photo from JR-WEST

JR西日本仲推出咗「ICOCA＆HARUKA」優惠車票，購買套票嘅朋友可以優惠價乘坐HARUKA鐵路，仲可以免費喺指定地方如大阪、京都、神戶等JR路線轉車添！

Photo from Photo from JR-WEST

而本身已持有ICOCA卡嘅朋友，可選擇購買「HARUKA折扣券」，但記得要帶埋ICOCA卡去啦！因為要出示返ICOCA卡先可單獨購買「HARUKA折扣券」。

「ICOCA＆HARUKA」優惠套票分為單程票及來回票兩種，單程票的有效日期只係1日，而來回票即為14日。但如果要購買來回票，就必須喺關西機場站購買，因為係關西機場站限定發售㗎！

Photo from Photo from JR-WEST

「ICOCA＆HARUKA」優惠車票詳情：https://www.westjr.co.jp/global/tc/ticket/icoca-haruka/

目的地：梅田一帶
「HARUKA 關西特急」雖快但都同時有好有壞，由於「HARUKA 關西特急」只停陣三個站，所以若要到梅田及難波嘅朋友，就要係新大阪站再轉車，所以若帶住重重行李的話，「HARUKA 關西特急」未必係最好選擇。

到梅田嘅朋友，可選擇「關空快速」，這列車同樣是由JR西日本推出，雖然「關空快速」不及特及列車快及舒適，但它是唯一從關西機場到梅田及大阪環狀線西半部的列車。

「關空快速」共停靠10個車站，包括從關西機場到天王寺、新今宮、大正、弁天町、西九條、福島、大阪（梅田）、天滿、櫻之宮及京橋。

Photo from Photo from JP-WEST

因此若大家比較怕搬住大件轉車，不妨乘搭「關空快速」，但如果想要個更舒適嘅方法，可能乘「HARUKA 關西特急」到新大阪站轉車較好。由於「關空快速」是關西機場到西九條的唯一方法，所以如果要從關西機場直去大阪環球影城，可以乘「關空快速」到西九條轉車至JR夢咲線。

「關空快速」優惠：JR西日本鐵路周遊券
如果大家未有「JR全國Pass」，又想購買有關鐵路優惠券，不妨選擇由JR西日本推出的「鐵路周遊券」！

Photo from Photo from FB@JR西日本鐵道悠遊

「JR西日本鐵路周遊券」共9種，當中包括唔同地區的乘搭優惠，但由於大部分周遊券有效期約4-7天內，所以大家可衡量自己到日本的日數及行程，購買最適合的周遊券！

Photo from Photo from JR-WEST

購買「JR全國Pass」或「JR西日本鐵路周遊券」後，大家在乘搭關空快速時，喺JR關西機場站閘門插入JR Pass，或者向站務職員出示返JR Pass出可以啦！唔好又去買多張車票啊～

鐵路優惠券詳情：https://www.westjr.co.jp/global/tc/ticket/pass/

目的地：難波、道頓堀、心齋橋一帶
如果大家要從關西機場快捷又方便地到達難波，則可選擇「南海電鐵Rapi:t特急」，最快38分鐘就可以直出難波啦！「Rapi:t特急」是由南海電鐵推出嘅機場特急快車，途經天下茶屋及新今宮兩個站，所以絕對係超快！

南海電鐵平價之選：「空港急行」
如果以價錢為優先考慮，南海電鐵同樣推出咗一條同「Rapi:t特急」路線一樣的「空港急行」，這也是由機場到難波的選擇之一，但由於車票比較平，所以速度較慢，設備都無「Rapi:t特急」咁好。所謂一分錢一分貨，大家可比較兩者，再選擇自己較適合的電鐵！

「Rapi:t特急」優惠：「關空特惠Rapi:t車票」/「YOKOSO！OSAKA TICKET」
如選擇以「Rapi:t特急」往返機場至難波，大家可購買南海電鐵推出嘅優惠乘車券。優惠乘車券同樣分為單程票及回程票兩種，價錢分別為1,090円(約港幣77元)及2,120円(約港幣150元)，回程票另外還有購物優惠，但必須於去程票兌換後14日內使用回程票，所以去超過14日嘅朋友就唔建議買回程票啦！

Photo from Photo from How to Enjoy OSAKA - Nankai Railway

南海電鐵另外仲推出了超過10種優惠乘車券，其中一個「YOKOSO！OSAKA TICKET」，此乘車券於網上購買只需1,500円(約港幣106元)，就已經包關西機場到難波嘅單程車票，同埋大阪地鐵及市區公車嘅一日券，一日券唔需要與「Rapi:t特急」車票同日使用，只要係有效期內用就可以啦，所以喱張乘車券都非常抵買！

Photo from Photo from How to Enjoy OSAKA - Nankai Railway

但因為現場買嘅費用較網上買貴，所以啱心水嘅朋友建議都係預先係網上買定啦！

南海電鐵各優惠乘車券詳情：http://www.howto-osaka.com/tc/ticket/ticket/

利木津巴士直達難波 拎住大型行李/一家人遊日變得更方便！
雖然乘搭地鐵已經好方便，但如果係拎住好多行李又或者一家大細去旅行，其實也可以選擇乘利木津巴士！

Photo from Photo from 關西機場交通株式會社（KATE）

利木津巴士方便之處係大部分車站都喺飯店樓下，大家落車後唔洗再推住重重行李行太遠地方，同時喺住宿地方返機場都好方便！但巴士所需時間會比地鐵慢少少～

大家如對選乘利木津巴士有興趣，關西空港交通株式會社官網有提供完整的車資同路線圖，大家可根據自己目的地揀返相關路線，咁就唔驚買錯啦！

Photo from Photo from 關西機場交通株式會社（KATE）

Photo from Photo from 關西機場交通株式會社（KATE）

巴士時間表及路線詳情：http://www.kate.co.jp/tcn/timetable/

從關西機場出市區其實都好方便，只要揀啱相關交通工具，就可以以最佳方便到市區，就算一個人定一家人去旅行都唔洗擔心會蕩失路啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic