去南澳艾爾半島可以同海獅一齊游水,狂食新鮮海鮮,展開別開生面嘅生態之旅~

去南澳艾爾半島可以同海獅一齊游水,狂食新鮮海鮮,展開別開生面嘅生態之旅~

World 世界旅遊 · Culture 各地風俗 · Heaven 天堂風景 · Exciting 玩命冒險
By PressLogic on 03 Jul 2018

想睇自然景色瘋狂打卡,澳洲一定要放落bucket list,一望無際嘅海洋,唔同種類嘅動物,仲有數之不盡嘅水上活動...講到小編都好想即刻出發,今次等小編帶大家去澳洲嘅另一邊-南澳啦~


Pacific Pearl, P_O Cruises_Port Lincoln
南澳艾爾半島可以話係一個畀你完完全全體驗澳洲自然生態嘅好地區~一般旅客都會去呢個島度玩三日兩夜,再繼續澳洲其他行程。未出發之前,小編要提提大家帶定影到靚靚風景嘅相機器材,因為呢度每一個地方嘅景色都會令你睇到唔捨得走!鍾意睇風景嘅話林肯港同柯芬灣都可以話係1+1指定動作,到步之後請直落去林肯港國家公園,行去斯坦福山嘅瞭望台將波士頓灣、林肯港同國家公園嘅無際海洋以及青草地盡收眼底,可以話係欣賞艾爾半島嘅最佳位置!
Coffin Bay
如果你係同另一半一齊黎,記得去埋唐寧頓燈塔散步,天氣好嘅日子吹住海風,呢份舒服嘅感覺喺香港感受唔到㗎~~
Cape Catastrophe_Port Lincoln National Park
一提到澳洲大家好自然會諗起樹熊,林肯港附近嘅樹熊公園有好多野生樹熊,抬頭隨時會見到樹熊一家大細食緊尤加利葉~聽唔少去過嘅旅客講,呢度嘅樹熊可愛度高好多,因為佢哋唔係關喺籠裡面,遊客可以睇到樹熊更多面嘅互動,不過無論去到邊,佢哋都係好懶,但可以近距離見到佢哋發呆嘅樣,仲有好多野生袋鼠同埋顏色特別嘅鴯鶓,齋睇都已經值回票價啦~~
Mikkira Station
除咗睇風景之外,去到南澳都有好多體驗,當中「食」嘅體驗尤其多元化!澳洲每日出產咁多海鮮,南澳當然貢獻良多,原來喺林肯港可以去鮮魚工廠參觀,可以睇到海鮮加工過程都係其次,重點係可以即刻有得食!
The Fresh Fish Place_2
去柯芬灣嘅話你就真係有「食神」啦!遊客可以親手挖貝類、捕獲鮑魚,仲可以去沙灘垂釣三文魚,有睇開旅遊節目都知道澳洲嘅三文魚size都比一般大,自己釣完就可以交俾廚師處理炮製一道道新鮮嘅海鮮美食,親手釣味道又再昇華,教我如何不喜歡呢?
155517
小編知道好多人都好鍾意食蠔,咁就記得將生蠔養殖場放入「必去名單」,喺養殖場度會有專人教你開生蠔,呢邊開完嗰邊即刻有得食,實行開幾多食幾多,你都咪話唔爽呀~
Pure Coffin Bay Oysters_2
Pure Coffin Bay Oysters_3
咁多水上活動當中,小編最鍾意就係同動物游水,有時候玩浮潛見到D魚都會忍唔住想摸下佢哋,可惜短短40分鐘就要上水,唔夠玩呀!南澳另一焦點活動就係與海獅同遊!!雖然叫海豹灣,但呢度係海獅嘅「地盤」~未落水之前,你已經可以喺沙灘見到一大批海獅曬日光浴,近距離嘅程度超乎你想像,不過都要提提大家,海獅係肉食動物,所以都有一定嘅攻擊性㗎。喺海豹灣,大家換好裝備就可以落水同海獅一齊游水,4.5小時嘅水中活動等你滿滿欣賞碧綠水底景色,好彩嘅話,海獅仲會喺你隔離擺出可愛嘅表情,到時候就記得請潛水教練幫你同海獅selfie一下啦!
Swim with sealion_2

除咗D靜態同埋soft D嘅活動之外,鍾意刺激嘅朋友一樣有得享受,艾爾半島有好多奇特嘅山林之境同灌木叢,由專人駕駛及帶領,坐住四驅車奔馳沙丘之間,刺激度大大提升!

IMG_3008
林肯港有林肯港國家公園,柯芬灣當然都有個柯芬灣國家公園啦~~個個都話呢兩個公園都一定要去曬,原因係前者可以睇艾爾半島全景,而後者就可以睇到比電影特效更令人難以置信嘅壯麗海岸線,加上柯芬灣國家公園內嘅沙灘係白色嘅細沙,散步一流之餘,喺呢度嘅夕陽係打卡黃金地呀。
Almonta Beach, Coffin Bay National Park

睇完小編介紹係咪都好想即刻飛去南澳玩呢?要去艾爾半島嘅話,其實係要喺澳洲搭內陸機,經專業旅運訂購3日2夜嘅艾爾半島套票,喺阿德萊德出發到林肯港,行程包內陸機票、酒店同3天行程連接送及導賞,係時候同屋企人一齊去嚐鮮暢泳,體驗南澳之美啦~

更多套票詳情,請按此 http://bit.ly/2ywtGz9

電話:3700 2668(澳洲自由行專線)

*內陸機票未包機場稅及其他稅項,約AUD30/每位每程。稅項或有變動,恕不另行通知。已包每人15kg行李。
*價錢以更新單張當日最低價格之酒店及附加費計算,確實之費用或會因貨幣匯率及供應情況而有所變動,如費用因以上理由而有所更改,恕不另行通知。

Photo and presented by Travel Expert


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook