香港都有-20度冰屋體驗！期間限定6米八號風球瀡滑梯+冰屋+整雪景玻璃瓶+冰球

香港好去處時事熱話香港展覽美食推介

By Rachel Lo on 03 Jul 2018

Deputy Managing Editor

炎炎夏日，想去個凍嘅地方避下暑？唔洗搭飛機嘅，嚟呢度就得喇！呢度將會有個-20度嘅冰屋可以體驗，仲有6米滑梯可以瀡，夏天嚟玩就特別清涼！

今次嘅活動有5大看點，幾適合喺熱辣辣嘅暑假嚟玩同影相打卡，大人細路都一樣啱玩嫁！

Photo from PressLogic

8號風球滑梯
首先，當然要重拾下童年回憶，瀡滑梯啦！呢條6米長嘅狂風滑梯係免費任玩嫁！
滑梯裝有風機，一路滑一路感受狂風，吹走熱氣！

Photo from PressLogic

冰極 Cool’gloo 體驗
再嚟，梗係體驗零下20度嘅冰屋，幫你極速降溫！
只要喺週一至四於商場消費滿＄200，就可以換到「冰屋入場券」(最多可包兩位人士進入)，入去冰屋過下冷河～

Photo from PressLogic

喺週五至日消費滿＄400或以上（最多3張發票及必須為電子消費發票，其中一張需於食肆消費，每套發票最多可換領2套通行證），就可以換到「二人冰極通行證」（體驗冰屋+換領冰極飲品2杯或冰感首飾2份）

Photo from PressLogic

喺週五至日消費消費滿＄500或以上嘅話（最多3張發票及必須為電子消費發票，其中一張需於食肆消費，每套發票最多可換領 2 套通行證），就可換到「三人冰極通行證」嫁喇！（體驗冰屋+換領冰極飲品3杯或冰感首飾3份）

Photo from PressLogic

冰山一角
呢個冰山一角整得好靚，行去後面，真係好似俾冰封住咁～
大家喺度影相打卡，可以影出「將冰山劈開」嘅打卡相嫁～

Photo from PressLogic

滾動破冰之旅
話明嚟玩，點少得遊戲呢？呢個免費遊樂裝置要同朋友齊齊合作玩，喺指定時間同朋友將冰球運到得分嘅位置，每一組可以玩2分鐘～
週五至日就會每2小時揀出最高分嘅一隊，送出獎品；「冰極通行證」持有人仲可以有升級獎品一份添！

Photo from PressLogic

雪之戀人工作坊
想番住咁靚嘅雪景，除左打卡，仲有可以親手整雪景玻璃球～
喺週五至日消費滿＄300或以上（最多2張發票、必須為電子消費發票及其中一張需於食肆消費），就可以參加！

Photo from PressLogic

炎炎夏日唔知去邊嘅話，就嚟過一個好似冰河世紀嘅暑假啦！

領展樂富廣場 – 動感冰夏Summer Freeze
日期：2018年7月12日～ 2018年8月19日
開放時間：下午12時至8時
換領地點：領展樂富廣場 A 區美食坊換領區
換領方法：顧客於領展樂富廣場以電子貨幣即日消費滿指定金額，並於換領區向工作人員出示相關消費發票正本（必須為電子消費發票），即可換領入場證。