《愛回家》大小姐送水輝「被分手」？臨別重演《天若有情》情節超催淚！

大台劇集《愛‧回家之開心速遞》入面大小姐 (林淑敏飾) 同送水輝 (許家傑飾) ，一直係觀眾心目中嘅一對。不過琴晚播出嘅第355集，呢對身份懸殊嘅情侶卻慘被KC (歐瑞偉飾)威逼「斬纜」！

愛情、事業兩難全嘅大小姐臨別愛人送水輝前，自編自演《天若有情》經典浪漫情節，最尾一幕仲感動唔少觀眾！

Photo from jackhero5@IG

一個係企業集團太子女，一個係低層職員，大小姐同送水輝終須面對現實同感情之間嘅抉擇。

劇情講到二人於街上邊演《初戀無限Feel》邊談情時，被KC同大小姐嘅爸爸發現。

Photo from 《愛‧回家之開心速遞》

KC雖幫手圓謊「過骨」，但事後警告大小姐唔准再同送水輝來往，否則失去家族生意繼承權。

Photo from 《愛‧回家之開心速遞》

陷入兩難嘅大小姐雖然唔捨得送水輝，但為了事業同先呃住KC，就策劃《初戀無限Feel》結局，並邀請送水輝再次出演，作為二人最後嘅最美好回憶。

Photo from 《愛‧回家之開心速遞》

大小姐創作嘅「劇本」結合現實同《天若有情》浪漫情節。

送水輝化身「輝Dee」，騎住電單車接走被逼婚嘅大小姐「龍小蓮」，又重現經典婚紗店一幕！

Photo from 《愛‧回家之開心速遞》

Photo from 《愛‧回家之開心速遞》

不過就無跟足原著扔垃圾桶同流鼻血啦！

Photo from 《愛‧回家之開心速遞》

大小姐著起婚紗同輝Dee騎住電單車奔馳去教堂。

Photo from 《愛‧回家之開心速遞》

明知無法長相廝守，大小姐戴上汽水罐拉環「婚戒」，答應嫁俾輝Dee做「一日嘅女人」，浪漫到呢！

Photo from 《愛‧回家之開心速遞》

Photo from 《愛‧回家之開心速遞》

可惜劇本再被KC發現，為棒打鴛鴦，佢更喺正式出演當日夾硬安排另一個男人取代送水輝。

Photo from 《愛‧回家之開心速遞》

為迎合KC，大小姐忍痛同一個唔愛嘅人，演出屬於佢同送水輝嘅故事。而送水輝只能默默躲於一角偷看。

Photo from 《愛‧回家之開心速遞》

望住愛人攬住另一個男人，送水輝以為大小姐已經唔再愛佢，流淚悄悄離開。

Photo from 《愛‧回家之開心速遞》

大小姐事後情急跑到街上尋找送水輝，解釋事件。

Photo from 《愛‧回家之開心速遞》

面對愛情，再堅強嘅大小姐都變得脆弱，熱淚盈眶地向送水輝表白，感動唔少觀眾。

Photo from 《愛‧回家之開心速遞》

Photo from 《愛‧回家之開心速遞》

送水輝聽後無講出一句情話，而給大小姐一個緊緊擁抱同深情親吻額頭，真係Sweet死人啦！

Photo from 《愛‧回家之開心速遞》

Photo from 《愛‧回家之開心速遞》

兩人嘅真緻演出，搞喊唔少觀眾！林淑敏同許家傑仲入戲地喺IG上載劇照時，配上《天若有情》主題曲歌詞！

Photo from 林淑敏IG

劇集播出後，網民紛紛留言大讚演出催淚，希望大小姐同送水輝可以一齊！

Photo from 林淑敏IG

Photo from 許家傑IG

小編都希望劇組可以順應大家意願，俾呢Pair搞怪又深情嘅CP有個Happy Ending啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載