全粉紅餐廳登陸屯門！迷倒架妹超粉嫩日本Nissei雪糕都食到～超豐富鹹食三層架自己揀！

By 123testing on 05 Jul 2018

呢間粉紅以女仔係波士可以自由配搭想食咩野嘅餐廳，終於進攻入左屯門開第二間分店喇～今次除左帶黎好多呢間分店限定嘅食品，仲有Nissei超重牛奶香雪糕可以堂食／外賣～

Photo from Presslogic

Bossy Royal Set（二人餐）($368)
呢個二人餐就係傳說中嘅鹹點三層架，上面唔係平時下午茶嘅茶點，而係主食黎嫁～全部都可以係menu入面自由組合一個屬於你嘅三層鹹食架～
入面包左2款沙律或餐湯、2款半份嘅前菜、1款全份主菜、同2款半份漢堡/薄餅/意粉/意大利飯！真係超級豐富der～
Photo from Presslogic

前菜小編特愛牛油果海鮮他他 (單點 $55)
底部係綿綿嘅牛油果蓉，中間夾住絲絲海鮮！真係好清新又好fresh～

最新推出仲有呢款前菜 - 脆炸虎蝦．炸魷魚圈．紫薯片 (單點 $78)
紫薯片係佢地自家製每日片嫁，切得夠薄食落好夠脆，配上蕃茄莎莎剛好中和油膩感！另外兩款仲有炸虎蝦同炸魷魚天婦羅，炸漿唔會過厚，建議點埋辣他他醬食更滋味啊！Photo from Presslogic

主菜呢個低溫慢煮法國黃油春雞 (單點 $118/半隻)真係皮又香肉又keep到好嫩滑，仲會配上肉桂燉蘋果同奶油薯仔片，奶油薯仔個個味道好濃郁香滑！

龍蝦黑魚子賓尼迪蛋配英式鬆餅 (單點 $118)
係傳統嘅Egg Benedict入面加左粒粒龍蝦肉，爽甜彈牙～配埋個荷蘭醬，估唔到又幾match！
Photo from Presslogic

煎蛋芝士牛肉漢堡窩夫 (單點 $98)
呢款絕對唔可以錯過！係絕對！窩夫用上比利時嘅列日窩夫，上面好似塗左一層薄薄嘅蜜糖咁，食落香甜陣陣蜜香！再配埋個鬆軟而粉嫩嘅漢堡一齊食，鹹甜兩樣味覺好有火花～真係想像唔到咁好食啊！
Photo from Presslogic

而飯小編特愛呢個海膽溫泉蛋飯 (單點 $168)
上面係用上香煎嘅鵝肝，入口好creamy！而海膽味道好鮮甜，個人鍾意同埋個溫泉蛋蛋漿一齊食！好和味呢～
Photo from Presslogic

想食意大利飯可以揀鱈場蟹肉香草芝士焗蟹子意大利飯 (單點 $168)
上面舖滿左蟹肉絲，再加入人見人愛嘅芝士一齊焗製～芝士唔蓋過本身蟹肉嘅鮮甜，反而令到成件事入口更加香濃！不過意大利飯就略嫌未夠濕潤！

Girlpower Set（一人餐）($138)
1份沙律、一口和牛、1款迷你意粉（可以揀：卡邦尼意大利粉／鮮茄忌廉扁意粉／黑松露野菌扁意粉）
1款自選口味Shake Shake粉 配 炸雙色薯條同單骨雞翼
最後仲有1份列日窩夫，上面仲會唧上日本Nissei嘅雪糕～成set食哂真係好豐富！
Photo from Presslogic

Softy-moment Ice-cream　$28（單色）　$33（扭紋）
呢個係黎自日本有70年歷史嘅雪糕店黎嫁，Nissei最受架妹歡迎莫過於佢嘅超粉嫩可愛外形！係8.0牛乳雪糕上面加上粉色嘅糖果，呢度仲有每日限定會有神秘配料！外帶都OK der～～
Photo from Presslogic