油街變身遊樂場！新展覽「玩」出藝術來！

出嚟社會工作之後，會否覺得身邊嘅人同事不斷逼你成熟，你有幾耐無試過好似小朋友咁盡情去玩？你又有無感到周遭環境無比沉悶、逼得你透唔到氣？

北角油街實現最近嘅「火花！耍樂是青年」（Sparkle! A Good Waste of Time）展覽，透過藝術或者能令你重拾童心，發掘生活中嘅趣味！

藝術唔一定係高深難明，「耍樂是青年」係油街實現《火花！》系列二嘅第五個展覽，名副其實以「耍樂」為主題，觀眾可以玩住嚟感受藝術，雅俗共賞！
「耍樂是青年」由藝術家余廸文策劃，聯同六位來自唔同範疇嘅本地藝術家，帶俾大家玩味十足嘅互動作品！

Photo from 油街實現 Oil Street Art Space@Facebook

為呼應主題，展覽空間變成創意滿分嘅遊樂場！比起一般只能「安安定定」地睇藝術，今次展覽俾觀眾盡情地互動，利用童心同好奇心體驗藝術，以青春心境去探索事物、面對生活！
場內多個裝置藝術作品透過刺激觀眾官感，表達藝術家嘅生活態度同想法，令人耳目一新！

Photo from 康樂及文化事務署

例如卓穎嵐嘅裝置作品，可愛洋娃娃喺燈光同聲音佈置下卻變得詭秘，觀眾可以置身其中去代入藝術家嘅童年經歷。

其他展品都以玩樂去探索科學、物料同人文。何翊雯嘅「軟綿綿」人體器官，等大家以全新觸感重新認識身體。家做五金行嘅高便蓮，以金屬組件、水管去創作「樂器玩具」。袁永賢嘅大型電子遊戲機裝置，鼓勵觀眾邊打機，邊思考遊戲背後到底「誰玩誰」。

Photo from 康樂及文化事務署

Photo from 康樂及文化事務署

如果你覺得藝術都係高深難明，今次不妨試試從小孩子角度，放膽去試去玩，再細味思索，相信比起單純「觀看」感受更深！

無論你係三歲定八十歲，來自咩背景，都可以嚟呢度盡玩藝術！人心保持年輕，自然會開放地去欣賞、理解藝術，同時懂得喺生活中製造樂趣。

《火花！耍樂是青年》

日期：即日起至9月9日
時間：上午10時至晚上8時
             (逢星期一上午 10時至下午2時休息；公眾假期除外)
地點：油街實現 （北角油街12號）
收費：免費
網址：www.lcsd.gov.hk/CE/Museum/APO/zh_TW/web/apo/sparkle_a_good_waste.html

藝術除咗「玩得」，仲可以了解吓住喺香港而來自唔同背景嘅人。

油街實現除咗《耍樂就是青年 》，同時仲舉行梗《火花！數日子 》(Sparkle! Counting the Days)嘅藝術展。展覽透過不同的視覺媒介，呈現居於香港的不同群體的經歷，讓觀眾了解他們各自的異鄉故事。

《火花！數日子》
日期：即日起至9月16日
時間：上午10時至晚上8時
             (逢星期一上午 10時至下午2時休息；公眾假期除外) 
地點：油街實現（北角油街12號）
收費：免費
網址：www.lcsd.gov.hk/CE/Museum/APO/zh_TW/web/apo/sparkle_counting_the_days.html

一次過可以睇晒兩個展覽，大家有時間記得嚟參觀啦！

Presented by 康樂及文化事務署

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載