download HolidaySmart 假期日常 app
不讀不回係有病?!唔係唔想覆  而係對覆訊息有恐懼

不讀不回係有病?!唔係唔想覆 而係對覆訊息有恐懼

時事熱話 生活熱話 美食推介
By Jackie on 27 Jul 2018
Digital Editor

大家身邊有無一啲朋友,長期無覆你訊息,甚至係你自己,眼見WhatsApp、Line、FB Messenger等等社交平台有成十幾個未讀訊息,都毫無意慾覆朋友?!原來呢個係一種病態嚟?

ShutterstockPhoto from Shutterstock

如果大家有一種「好怕覆訊息」嘅諗法,咁已經好大機會係患有「訊息恐懼症」!訊息恐懼症患者通常唔鍾意用訊息同朋友交談,出嚟見面嗰陣會好多嘢講正正常常,但一用到訊息溝通,通常都會簡短覆一兩句就唔想覆。

ShutterstockPhoto from Shutterstock

訊息恐懼症患者總有一種諗法係「如果我覆咗一個訊息,陸續就會有好多訊息要覆」,又或者係「如果我覆咗一個人,我就要覆曬所有人」,慢慢地就會產生出一種唔覆訊息嘅習慣同恐懼。

ShutterstockPhoto from Shutterstock

除此之外,訊息恐懼症患者都有可能即使只見到新訊息通知嘅數量,都已經產生一種恐懼感,所以唔好講話覆訊息,根本係連㩒入去睇嘅勇氣都無!結果放咗好耐都無覆嘅訊息,最後通常都會無咗件事。

Presslogic Photo from Presslogic

加上患訊息恐懼症嘅人都會將訊息通知較做靜音,因為連啲「叮叮」聲又或者震機佢哋都會覺得煩!

PresslogicPhoto from Presslogic

而訊息恐懼症患者係無論熟定唔熟嘅朋友、得閒定唔得閒,都可以一一不讀不回,所以絕對唔關佢同你friend唔friend事,而係一概有關「覆訊息」嘅行為都會產生同一種恐懼。

ShutterstockPhoto from Shutterstock

所以如果大家身邊有同以上行為類似嘅朋友,記得唔好將佢哋唔覆訊息喱個行為太放上心或太介懷,佢哋唔係唔當你係朋友啊!如果有急事搵對方,不妨直接打電話比佢講清楚,咁會比等佢覆訊息來得快同方便。

ShutterstockPhoto from Shutterstock

而如果覺得患有「訊息恐懼症」正正就係你自己,其實都唔洗太過擔心,喺喱個資訊爆炸嘅年代,唔多唔少都會對接收嘅訊息產生厭倦,所以只要唔太過分影響人際關係及生活,都可以比時間自己慢慢改善!

ShutterstockPhoto from Shutterstock

訊息恐懼症患者不妨試下先將訊息通知較做震機,以便得知有朋友找過你,而且都唔好成日抱住一種「回咗一個人就要一次過回曬所有人」嘅諗法,可以先回覆一啲較重要嘅訊息如工事、約會等,到閒時再覆朋友嘅群組、閒聊,逐步改善。

ShutterstockPhoto from Shutterstock

如果以上方法都覺得令自己好辛苦,唔覆唔緊要,但記得都要㩒入Apps入面睇訊息啊,如果有咩重要事錯過咗,分分鐘好大鑊!

Presslogic Photo from Presslogic

而且都可以大膽同朋友講唔係唔想覆對方,而係對覆訊息產生恐懼同煩躁,以免朋友擔心或誤會而慢慢疏遠!

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel