日劇《軟飯男》接《大叔的愛》 題材搞笑 食軟飯係所有男人嘅夢想!

日劇《軟飯男》接《大叔的愛》 題材搞笑 食軟飯係所有男人嘅夢想!

HotTalk 熱門話題
By PressLogic on 30 Jul 2018

煲完《大叔的愛》,覺得有啲空虛,但係又唔知睇乜野好?小編有好推介!

《軟飯男》
Photo from 《軟飯男》

《軟飯男》,英文叫做「My Moochy Boyfriend」係改編自鴻也剛嘅人氣漫畫。男主角窪田正孝飾演:一個死都唔搵工,只求輕鬆快樂咁生活嘅「軟飯王」。

女主角就係第一次同佢合作嘅川口春奈,飾演百合子:一個為咗等男主角可以自力更生而努力奮鬥嘅同居女朋友。

劇集入面,男主角即使無錢,都唔去搵工,仲拎佢女朋友嘅書去賣!佢嘅角色性格得意,一副扮無辜,又無賴嘅樣,真係好可愛!睇住女主角比佢玩殘,小編戥佢可憐之餘,又覺得好抵死!見到個男人無辦法離開自己嘅感覺,想呵護佢,但又好憎佢咁無大志,真係唔知好嬲定好笑!

《軟飯男》
Photo from 《軟飯男》

《軟飯男》
Photo from 《軟飯男》

依家越嚟越多女人投入職場,越嚟越多嘅男人就想以「食軟飯」為終極目標!呢套劇話比大家知:女人闖嘅一片天可以比男人更廣更闊!

如果故事係發生喺香港嘅話,個男仔一早比人飛咗喇!喺日本嘅話,結局又會係點?小編希望佢地可以大團圓結局啦~

講個秘密你知:原來川口春奈只係得23歲(1995年出世),但係佢喺呢套劇演得好有女強人嘅feel!

《軟飯男》7.28開播喇!Mark 實日期追劇啊!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook