搭飛機總會遇過嘅情況 如果你遇到晒：我真係恭喜你啊 證明你真係好黑仔咁囉

去旅行係開心事，每次搭飛機小編都會好期待，坐經濟位嘅小編雖然唔係話坐得特別舒服，但就係一種情意結囉。之但係，搭飛機總係會遇到一啲景況，令你嗰刻

機艙行李打橫擺
Photo from Shutterstock
當你上到機，想將你唯一嘅一袋手信放上行李架時，發現已經又人將佢地自己嘅行李打橫放，霸晒所有位嘅時候，真係會有啲無奈，需要深呼吸一下。

前面張凳較到最低，後面嗰個係咁踢你張凳
Photo from Shutterstock
依家仲有某啲機種係可以較椅背，呢啲時候，雖然你知道乘客係有權利隨意將凳較直較低，之但係每次都會祈求前面為乘客唔好將椅背較到最低，哈哈～

之但係避得到前面，避唔到後面。有啲人係鍾意用膝蓋頂住前面嘅椅背，又或者勁大力篤mon。

隔離嗰個盤腳坐
Photo from Shutterstock
膝蓋同腳趾間歇性撩到自己，又或者個人係咁挨落黎，然後膊頭係咁頂到。

嘈音
Photo from Shutterstock
無論係同自己同行嘅旅伴大大聲講嘢定係控制唔到嘅BB喊聲，又或者隔離個mon較到勁光，喺凌晨機時聽到都會心諗：「一齊訓啦好無...？」所以小編覺得帶返個眼罩耳塞上機就最穩陣喇！

咳
Photo from Shutterstock
小編梗係知道有得揀邊個想病先得㗎～不過如果咁啱你附近有人係咁咳，同情佢嘅同時，都會好擔心自己被傳染，仲要去玩㗎媽咪...所以都係帶定口罩上機好啲喇！

一早企定喺走廊等落機
Photo from Shutterstock
有時搭飛機坐出面，入面係啲唔識嘅人，landing之後安全帶燈號都未熄，你就會feel到隔離有一股「你仲唔起身行定出走廊等落機，唔好塞住晒喇」嘅殺氣。都明白可能係有人好趕時間嘅，不過其實...仲要等行李啊兄弟～

尤其係回程嗰陣啊，一見到呢個畫面，就即刻有種回到現實嘅香港嘅感覺。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）