教你玩盡6大澳洲昆士蘭必到必玩景點 海、陸、空 跳傘潛水樣樣齊

衝出亞洲入門版，咪就係澳洲囉！香港出發大約7個鐘就飛到。今次小編要話你知去昆士蘭一定，係一定唔可以唔去嘅地方！

開恩茲 Cairns

1. 跳傘

去到全球最佳跳傘地區之一嘅開恩茲，點可以唔玩sky diving啊？可以喺15000尺高空將大堡礁同昆士蘭濕熱帶地區呢2大世界自然遺產一覽無遺！

2. 大堡礁浮潛

除咗空中跳傘，去大堡礁潛水是常識吧？而且由開恩茲去大堡礁係非常方便，碼頭位於開恩茲市中心，而且都有好幾間船公司提供出海服務㗎！

其中有間叫Reef Magic Cruises，除咗包交通接送、來往浮台，仲包埋午餐同好幾種活動俾大家揀。初學者可以玩下浮潛先喇！想挑戰自我，可以試下深潛（心肺潛水），唔洗擔心潛水牌呢個問題，因為會有專業教練在場指導，無牌嘅你都可以潛到落10米深㗎！

Photo from Travel Expert

如果覺得浮潛太悶，又驚應付唔到深潛，不如試下新興嘅SNUBA喇！唔洗背住氧氣樽都可以落去潛水㗎！

道格拉斯港 Port Douglas

而開恩茲嘅上方就係道格拉斯港，係另一個作為大堡礁潛水主要嘅海港之一。有車牌嘅朋友仔，小編會建議自駕遊，因為又唔需要申請國際牌，沿途嘅風景真係相當怡人，自駕嘅話大概1個鐘就去到㗎喇！

道格拉斯港係連澳洲當地人都會去嘅度假聖地黎，暫時仲未有好多亞洲遊客會到訪，所以如果你哋set嘅行程路線係往住北面走嘅話，咁道格拉斯港絕對係住宿不二之選。而且，道格拉斯港嘅景點分佈都好集中，好方便就去到唔同景點喇！

玩完海同空，點少得陸啊？話曬地球上現存最古老嘅熱帶雨林係喺昆士蘭，一定要去見識下喇！

苦難角 Cape Tribulation

苦難角位於黛恩樹國家公園裡面，亦係兩大世界遺產「古老熱帶雨林」同「大堡礁」嘅交接點黎㗎！由道格拉斯港出發，大概個半鐘車程。同樣係位於北面，呢度嘅原始生態環境受到優良保護，所以可以好好咁感受更原始嘅熱帶雨林！

話說點解苦難角會叫做苦難角呢？其實呢個名係由一位英國航海家起嘅，當年呢為船長開船越過呢個海角時，艘船因為觸礁而差啲沉沒，所以就改名為「苦難角」喇！

3. 飛索

去到「叢林步行天堂」苦難角，除咗可以徒步欣賞海灘同雨林景色，參加嗰度嘅Jungle Surfing Canopy Tours，玩下zipline（飛索）都係一個唔錯嘅選擇黎㗎！認真係幾正，因為呢個zipline係喺啲樹冠層度飛，最高有成23米㗎！諗起都覺得刺激啊！而且一路飛，仲會一路有專人講解關於樹林一啲好得意嘅冷知識添㗎！

4. 熱帶水果試食團

去到熱帶雨林，梗係要食埋熱帶水果喇！喺Cape Trib Farm果園，就有品嚐水果導賞團，入面有好多未見過嘅奇珍異果，園長除咗會介紹水果特性同有趣故事，仲會即場摘啲新鮮水果落黎俾大家食㗎！

庫蘭達 Kuranda
要感受最地道嘅澳洲，就要去埋開恩茲以北高山平原嘅熱帶雨林小鎮 - 庫蘭達喇！嗰度係澳洲原住民嘅聚居地，喺殖民時期被開拓為伐木同咖啡樹種植場，每日都有市集。而且非常有古雅風情嘅主要街道上面，仲佈滿咗商店同藝廊㗎！

5. 庫蘭達村

喺開恩茲度搭全世界最長嘅觀光纜車 - Skyrail，就可以去到庫蘭達喇！沿途仲可以鳥瞰成個巴倫峽谷國家公園添！

上到去最高點Red Peak，可以join當地景點提供嘅免費導賞團，由導賞員向大家介紹熱帶雨林入面一啲特別嘅動植物，同了解佢哋嘅特性喇！

之後就可以去附近嘅Rainforestation Nature Park，睇晒澳洲最特別最可愛嘅動物，樹熊啊袋鼠啊～而且仲可以坐住二戰時期軍用嘅Army Duck喺海上同陸上度穿越熱帶雨林！

睇完動植物，就記得要體驗以下原住民嘅生活喇！喺草地上，原住民會教你用狩獵工具，好似回力鏢咁。

喺庫蘭達玩完晒，就可以返去開恩茲喇！去程搭咗纜車，回程不如試下坐超過130年歷史嘅火車 - Kuranda Scenic Railway，喺另一個視點觀賞呢片雨林喇！

查普凱文化村 Tjapukai Cultural Park
淨係喺庫蘭達度感受土著文化喺唔夠㗎！返到開恩茲就要參加埋查普凱篝火之夜喇！

6. 查普凱篝火之夜連晚餐

小編會建議買package，喺專業旅運度就有「土著民族村營火之夜連晚餐」嘅套票，有得一路睇表演，一路食自助晚餐㗎！

*而以上提及嘅所有tour都可以喺專業旅運自選遊度買到，詳情請到：http://bit.ly/2nIT2BQ
*想參考建議行程請到：http://bit.ly/2nHyXvR
*如果購買專業旅運嘅「開恩茲、道格拉斯港、 熱帶雨林3晚自駕之旅」，仲會送2個指定自選遊（係以上提及過嘅其中2個必玩景點黎㗎）！

Photo and source from Travel Expert