考驗友情遊戲！玩Overcooked可能會講過嘅嘢 你或者你機友又有無講過呢

《Overcooked2》早排就推出咗啦！各位朋友仔買咗返去考驗友情、愛情、親情未呢？version 2.0嘅Overcooked難度再升級！除咗多咗多款新廚師公仔、新地圖、新菜式、新煮法，仲多咗新功能，就係可以拋嘢俾另一名玩家啦！相信又會引起一場友情的考驗啊！今次小編就集合咗一啲，平時玩Overcooked可能會係你或你嘅機友，除咗粗口以外，最經常講嘅嘢，排名不分先後。

Photo from Pinterest

1. 重新嚟過啦

Photo from Pinterest

通常都發生喺個game開始無耐，你發覺諸事不順，然後就會有個feel今舖一定拎唔到3粒星，然後就會話：「重新黎過啦！」

2. 陣間你俾咗啲肉我切先，之後先煲飯，okay？

Photo from Pinterest

賽前準備，等緊load game嗰陣，總會有個「隊長」落定order大家負責啲咩，不過通常整完頭兩碟就會又亂晒～

3. 蕃茄蕃茄蕃茄

Photo from Pinterest

無錯，重要嘅嘢講3次！當你個burger萬事俱備只欠番茄，但喺個番茄又喺對面你個隊友度嘅時候，你就會狂嗌喪嗌大嗌3次，蕃茄蕃茄蕃茄！

4. 喂未切㗎！

Photo from Pinterest

當你隊友被你嗰三叫嚇親，驚慌失措嘅佢，就咁扔咗嗰未切嘅番茄去無砧板嘅你嗰邊。然後你會再次大叫：「喂未切㗎！！！！！！」

5. 著火啊喂！滅火筒呢！？

Photo from Pinterest

當啲單越黎越多嘅時候，個人就越黎越急，越急就越亂，A區煲緊飯但係又唔記得咗，然後趕唔切返去拎走煲飯，又或者手上拎住其他野，通常喺呢個時候手制又特別唔聽話，放極都放唔底手上嘅嘢，好啦，放底咗又拎極都拎唔到煲飯，係咁拎到隔離啲嘢...著火！搵唔到滅火筒，之後就會火燒廚房，多謝。

6. 唔好過嚟唔好過嚟

Photo from Pinterest

有啲關卡係個地會轉黎轉去，所以通常都會一人企一邊，但係有時位豬隊友會好好心想走過去你嗰邊幫手，但係一過咗去，個地一轉就過唔番對面，但對面塊扒又咁啱煎完，呢個時候就會好似上面咁，火燒廚房啦！

7. 碟呢？洗碟洗碟！

Photo from Pinterest

煮好晒嘢，砌好晒之後發現無碟！當你望晒成嗰場，發現一堆碟未洗，然後上方啲單喺度震緊嘅時候，就會即刻點你個阿四朋友去洗碟。

8. 快啲快啲快啲

Photo from Pinterest

再順便加埋100句：「快啲快啲快啲！」真係聽到心都煩埋！

9. 擺底

Photo from Pinterest

當你發現有咗碟之後，原來仲差你位豬隊友partner手上已切嘅生菜，但佢拎住又唔放底，拎住唔知做乜，你就會話：「擺底擺底擺底」

10. 我送我送我送

Photo from Pinterest

搞點晒啲嘢，碟嘢喺枱上面，大家都心裡面諗緊送出去嘅時候，你一支箭衝出嚟講話：「我送我送我送！」

11. 借借 借借

Photo from Pinterest

眼見淨番2秒就夠鐘，只係差你手上呢碟就夠分，你打算劉翔上身用9秒9嘅速度飛奔去送餐區，但前方有你位豬隊友企喺路中心為你打氣，你就會一路：「借借借借借借...」一路撞開佢！終於！衝到去送餐區，一用力按下A制，叮叮！TIMES UP！恭喜你，2粒星！

12. X！差一粒！再嚟過！

Photo from Pinterest

其實2粒星都可以過關，但係完美主義嘅你就會覺得玩夠3粒星先叫成功，先可以去下一關，所以...再玩過啦！

13. 頭先你應該...

Photo from shutterstock

賽後檢討，通常玩到差少少夠3粒星，都會黎個賽後檢討，呢個時候「隊長」就會跳出黎話：「其實頭先你應該煲定個飯先....」心諗：「得啦...打舖機唔洗搞到好似踢波咁嘅」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）