經典桌遊 X 人氣電玩！新版Mario Kart主題大富翁～有趣元素crossover！實玩玩評話你知！

大富翁大家就玩得多，Mario Kart 版嘅大富翁又試過未呢？等小編同你一齊試玩，話你知有幾緊張刺激啦！

Mario版嘅大富翁都係一樣要儲錢、買物業同坐監，不過就加入左好多Mario Kart嘅元素！
好似角色人物都變左做Mario Kart入面嘅Mario、Princess Peach、Luigi同Toad～

Photo from PressLogic

一盒只有4個基本角色，如果想多啲人一齊玩，就要自己買多啲其他特別版喇～
喺Mario Kart入面，錢都係以金幣嘅形式出現！而且仲加入埋放蕉皮呢個玩點落去添！

Photo from PressLogic

Photo from PressLogic

而骰仔都係2粒，不過其中一粒係「增強能力骰子」，就好似玩Mario Kart撞中啲道具箱就有道具用咁！
每個角色都有自己嘅強項，擲中左自己嘅特殊能力，仲可以加倍添！

Photo from PressLogic

Photo from PressLogic

玩緊大富翁，當然有大富翁嘅內容啦！
都一樣要買物業，收金幣（租）～

Photo from PressLogic

每經過一次「GO」（起點）都有金幣袋，不過有少少唔同嘅係每當有一個玩家經過起點，就要舉行一次「格籣披治賽事」！
玩家都可以揀參唔參加，參加就要俾參加費，贏左就會有唔同嘅獎賞，可以話係一場賭博！

Photo from PressLogic

其實呢副棋一開始玩真係有啲唔慣，因為好多細節位同經典嘅大富翁有少少唔一樣～
好似遊戲唔係因為一個人破產而結束，係完成所有「格籣披治賽事」之後，最高分嘅玩家成為贏家～

Photo from PressLogic

而且有好多新加嘅元素，所以都要少少時間去換摸索一下～
不過整體嚟講都幾好玩，幾有新鮮感～
其實，第一代喺產年已經推出左，今次新版仲破以駁埋第一代一齊玩添嫁！

Photo from PressLogic

《Mario Kart大富翁》
銷售點：玩具"反"斗城 及各大百貨公司
適合年齡： 8歲或以上
玩家人數： 2-4人

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）