2018海洋公園哈囉喂11個驚嚇景點！仲有Sanrio家族派對+糖果村+見面會

將會喺10月開始嘅海洋公園哈囉喂率先公佈驚嚇位，同埋今年仲係首次有Sanrio家族加盟！

Photo from 海洋公園

今年海洋公園哈囉喂全日祭會喺10月5日至31日期間舉行，會有11個哈囉喂景點。仲會加入高科技元素。

Photo from 海洋公園

好似香港首個多媒體互動鬼屋【X異域】，會有360度互動投影同光雕投影技術（3D mapping）營造出驚嚇異次元空間。

Photo from 海洋公園

Photo from 海洋公園

【屍營醫院】就用鬧鬼嘅荒廢醫院做背景，遊人手持靈異探測電筒深入探險，於診療室、手術室等詭秘空間探險，

Photo from 海洋公園

Photo from 海洋公園

Photo from 海洋公園

【「腥」級版越礦飛車 】會由遊人戴上虛擬實景眼鏡，穿越時空到暗黑鬼域，場景同氣動裝置會隨住靈異探測電筒而改變，透過虛擬實景眼鏡捉惡鬼！

Photo from 海洋公園

【VR屍間潛行】遊人戴上虛擬實景眼鏡，喺停屍間同血淋淋嘅活屍凶靈一齊過。

【深海怨靈】係用場景裝置整出錯覺效果，有種深不見底嘅海洋異域感覺，大家要化身探險隊隊員潛入神秘實驗室，遇見各種恐怖的深海變種異形～

Photo from 海洋公園

Photo from 海洋公園

Photo from 海洋公園

以殘殘舊舊田園村屋為主題嘅【森魔屠園】，南瓜同稻草人會變成妖魔鬼怪！

Photo from 海洋公園

仲有利用AR嘅互動遊戲景點【妖怪大捕手】，遊人可化身驅魔師，以AR技術化成嘅古老滅魔神弓，擊退屏幕中可見嘅妖魔鬼怪。

Photo from 海洋公園

黃昏後就會有【血祭地獄門】，有滾滾血池、勾舌刑場等恐怖場景等住大家。

【古靈精怪馬戲團】係馬戲團嘉年華，可以睇魔術表演同小遊戲，但到入夜就會變成【血腥馬戲團】。

Photo from 海洋公園

Photo from 海洋公園

仲有大家好期待嘅Sanrio角色加盟嘅「HELLO-ween」派對。今次會有Hello Kitty、布甸狗、玉桂狗、梳乎蛋、XO、Kuromi等～

有3個大人細路都啱玩嘅【Sanrio家族聯萌哈囉喂派對】、【Sanrio家族糖果村】、【Sanrio家族哈囉喂見面會】。

【Sanrio家族聯萌哈囉喂派對】會有互動元素，要用平版電腦入面嘅魔法地圖，搵出萬聖節生日嘅Kuromi困住咗嘅Sanrio家族成員。

Photo from 海洋公園

仲有全港最長嘅萬聖節遊樂徑【Sanrio家族糖果村】，沿路有好多Hello Kitty同其他角色嘅造型南瓜，仲會有第一次喺香港露面嘅「HELLO-ween」造型Aggretsuko（烈子）及Hangyodon（水怪），同埋暗黑版玉桂狗Lloromanic同暗黑版Little Twin Stars——Magical Twin Comets Tity同Lulu。

Photo from 海洋公園

而Hello Kitty同部份朋友會喺【Sanrio家族哈囉喂見面會】同fans影相見面！

2018年海洋公園哈囉喂
日期：10月5日至31日

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）