《海賊王》漫畫家親繪「路飛讓肉」送別櫻桃子 第1164集嘅《小丸子》可能就係大結局

《海賊王》漫畫家尾田榮一郎同《櫻桃小丸子》作家三浦美紀係好朋友。當佢知道櫻桃子病逝之後，就親手畫咗幅畫送別櫻桃子。

Photo from 海賊王twitter

係《海賊王》嘅Fans都知道主角路飛最鍾意食肉，但係喺幅畫入面，路飛竟然將啱啱燒好咗嘅肉，讓咗比小丸子。佢哋坐喺綠油油嘅草地，一向視肉如命嘅路飛心甘情願同小丸子分享啲肉，互相帶笑，畫面令人心酸～可見小丸子喺路飛/尾田榮一郎心中有好重嘅份量！

Photo from pinterest

Photo from pinterest

櫻桃子嘅出生地-靜岡除咗出名蜜瓜，仲好出名櫻花。另外因為櫻花最能夠代表日本，所以將櫻花擺入漫畫入面。

Photo from pinterest

尾田榮一郎畫咗淡粉紅色嘅櫻花花瓣，表示佢對櫻桃子嘅思念。

《海賊王》同《小丸子》都屬於長篇漫畫，同樣深受亞洲人歡迎。正所謂同行如敵國，不過兩大日本名漫畫家就互相欣賞，特別投契，各自嘅子女都視對方為偶像。

另外，喺櫻桃子去世消息公佈嘅前一日，日本播放咗最後一集嘅《櫻桃小丸子》嘅預告，內容大概係話小丸子要去搵外星人，寫住「我話唔定會去好遠的嘅地方，暫時唔會番嚟啦，但係唔緊要，唔係擔心我喔。」令外界猜測三浦美紀留比粉絲嘅最後訊息。

《小丸子》直到依家，總共有1164集-「小丸子，遇到外星人！？」。換句話說，第1164集可能就係大結局！

R.I.P

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）