download HolidaySmart 假期日常 app
S.H.E新歌《十七》MV出爐 凍齡還原出道17年嘅故事 重現03年金曲獎領獎一刻 彌補Ella缺席遺憾

S.H.E新歌《十七》MV出爐 凍齡還原出道17年嘅故事 重現03年金曲獎領獎一刻 彌補Ella缺席遺憾

時事熱話 生活熱話
By Charlotte on 07 Sep 2018
Editor

S.H.E喺2001年出道,黎緊已經準備踏入第17週年啦!為此佢哋亦都邀請吳青峰為佢哋寫咗《十七》呢首歌,歌曲亦都喺早前發佈咗,佢哋準備喺黎緊9月11號出道紀念嘅演唱會上唱俾歌迷聽。而《十七》嘅MV就率先喺今日(7日)當地時間17:00出爐!

華研國際FBPhoto from 華研國際FB

日前S.H.E為《十七》拍攝MV,仲邀請咗Selina嘅爸爸媽媽,任爸任媽親情客串一同拍攝。

華研國際FBPhoto from 華研國際FB

MV嘅前置同拍攝籌備歷時成4個月,動員成200嘅工作人員,為嘅就係將S.H.E帶去時光隧道,喺「時光列車」入面,以運鏡嘅方式拍攝S.H.E 出道17年嘅故事。

華研國際FBPhoto from 華研國際FB

因為歌曲係慶祝佢哋出道17週年,講述佢哋由未出道至今嘅經歷,3女特登著上17年前出道時嘅衫,戴埋假髮,扮番啱啱出道時候嘅模樣。網友仲話佢哋根本就係凍齡!

華研國際FBPhoto from 華研國際FB

MV一開頭係講佢哋準備搭上呢班「夢想號列車」,喺月台同各自嘅家人道別。

《十七》MV截圖Photo from 《十七》MV截圖

MV每part都有個共通點,就係無論去到邊一個「階段」,都有一幕係3個女仔圍埋一齊,有種好姐妹互相鼓勵嘅感覺。

《十七》MV截圖Photo from 《十七》MV截圖

鏡頭一轉去到佢哋剛出道時一齊喺宿舍住嘅畫面,3個女生吵吵鬧鬧嘅畫面。

《十七》MV截圖Photo from 《十七》MV截圖

之後就係3個女仔開始接受訓練,練歌練舞。鏡頭喺列車外面穿過車窗拍攝佢哋練舞嘅畫面,

《十七》MV截圖Photo from 《十七》MV截圖

鏡頭拉入車廂,見到3女專心練唱,再次手牽手圍住加油打氣。

《十七》MV截圖Photo from 《十七》MV截圖

歌曲去到副歌部份,3個女仔終於出道演唱,舉行簽唱會,開頭並無幾個人支持

《十七》MV截圖Photo from 《十七》MV截圖

後來發覺好多粉絲喺門外等候,令S.H.E即刻好開心,精神番晒!

《十七》MV截圖Photo from 《十七》MV截圖

時光飛逝,話咁快就去到佢哋其中最重要嘅時刻,2003年金曲獎獲獎。佢哋著番當年金曲獎嘅復刻版禮服,重演當年拎獎嘅感動一刻。

《十七》MV截圖Photo from 《十七》MV截圖

而其實了解佢哋嘅人就會知道,呢一幕對佢哋黎講有幾重要。因為當年金曲獎,Ella喺頒獎禮前幾天因拍外景節目從高跳下而不慎傷及腰椎,所以未能到場一齊領獎。而MV呢一幕可以話係圓咗佢哋3人一齊領獎嘅夢,彌補心中嘅遺憾啦!

《十七》MV截圖Photo from 《十七》MV截圖

而呢幕,任爸任媽再次出場,本來喺台下最前方睇住3個女仔嘅佢哋,慢慢被傳媒逼吓逼吓推到後方,意味住S.H.E長大獨立,工作雖然好有成績,卻可能因為忙碌、相距兩地等等嘅因素,同父母距離越黎越遠。

《十七》MV截圖Photo from 《十七》MV截圖

下一part就去到3個女仔單飛不解散嘅階段,再次用3人手牽手圍圈做過度。

《十七》MV截圖Photo from 《十七》MV截圖

第一個單飛嘅係Hebe,Ella同Selina二人喺佢背後揮手送別。

《十七》MV截圖Photo from 《十七》MV截圖

Hebe喺一眾粉絲面前獨自獻唱,象徵當時Hebe發佈個人唱片,佈景亦有顯示「單飛」二字。

《十七》MV截圖Photo from 《十七》MV截圖

車廂內剩番Ella同Selina,Selina再次送別,

《十七》MV截圖Photo from 《十七》MV截圖

Ella走出車廂外,環境係節目拍攝現場,象徵Ella單飛主持節目。

《十七》MV截圖Photo from 《十七》MV截圖

鏡頭回到車廂內,見到Selina正在補妝,準備戲劇拍攝,象徵佢當時,首次當任女主角。

《十七》MV截圖Photo from 《十七》MV截圖

「Action」指示一出後,獨自企喺度嘅Selina,背後一道大大嘅火光湧出,Selina跪下,象徵Selina當年拍劇被燒傷嘅事件。

《十七》MV截圖Photo from 《十七》MV截圖

鏡頭慢慢zoom in,見到Selina無助悲傷嘅面孔,亦不禁默默流淚。

《十七》MV截圖Photo from 《十七》MV截圖

當初導演提議還原Selina燒傷現場,公司為咗保護Selina本人而極力反對。但喺佢哋3個經過一番思索,Selina大方表示:「這的確是我們三個人很深刻、很重要的記憶,不只是我們,對歌迷來說也是。但更重要的是,我們度過了這個難關,現在又站在一起,邁向更多的未來。我覺得不必在意,就把它當作像是『我曾經住過女生宿舍』一樣的一件正常事情,這就是我們的故事。」

《十七》MV截圖Photo from 《十七》MV截圖

鏡頭拉開,Selina臉上出現黑色經歷火災嘅痕跡,眼睛張開後見到兩位好姐妹喺身邊給予支持。

《十七》MV截圖Photo from 《十七》MV截圖

《十七》MV截圖Photo from 《十七》MV截圖

下一幕,3人著上婚紗,互相對望微笑,Ella個肚突然大咗,象徵佢早前生咗bb。而且MV最後仲有佢哋著住婚紗嘅畫面,3人更笑稱:「我們嫁給了彼此。」

《十七》MV截圖Photo from 《十七》MV截圖

Ella企喺中間大住肚,三人一齊從車窗望出去夕陽作結尾,象徵3人將攜手繼續走落去嘅意思。

《十七》MV截圖Photo from 《十七》MV截圖

Hebe更喺訪問度提到:「很多場景都歷歷在目,彷彿像昨天才發生的那樣清晰,但時間其實又已經過了那麼久,心中有無限的感慨、感動和感激。」

phpHrJfo0

早前傳出Ella要離開公司華研,粉絲都擔心S.H.E會就此解散,但喺依家推出17週年歌曲,又將會舉行免費萬人演唱會,粉絲唔洗擔心啦!

《十七》歌詞

「在無窮無盡之間 充滿吶喊的子夜
十七歲的我們 在哪邊
在未來攤開之前 期待又怕受傷害
是我 和你和你 說著夢想 說著心願

在有來有往之後 三種特別的語言
上天選了我們 圍成圈
在潮起潮落之間 將我環繞的世界
拾起 許多情節 如此和諧 如此無間

時間的長河 我非你們不可
緣分的比喻 匯流成一首歌
那是我們 從還懵懂的青春
變成 最重要的人

也許經歷過聚散和離分
也許嘗受過懷疑眼神
我們的生命卻不斷延伸
更多的回憶 不停誕生

Dala.. Dala..
Dala.. Wo Dala..
十七歲的我們

我們的感情 不是什麼新聞
你身邊也會 有珍惜你的人
那是我們 最想祝福的你們
懂得 活著的快樂

也許經歷過聚散和離分
也許嘗受過懷疑眼神
我們的生命卻不斷延伸
更多的回憶不停誕生

一起走過了 彼此一半的人生
陪伴只會累積得更深

也許經歷過聚散和離分
也許嘗受過懷疑眼神
我們的生命卻不斷延伸
更多的回憶不停誕生

Lalala…
Lalala…

就一起走著走到了永恆
還請你們陪我們 見證」

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel